Menntamál - 01.02.1972, Page 58

einhliða og m.a. þess vegna úrelt, að mínum
dómi. Þó ber að geta þess, að á síðustu árum
hefuráhugi á Montessori-skólum og starfshátt-
um þeirra verið endurvakinn, bæði í Evrópu
og Ameríku.
Við höfum einnig í ríkum mæli sótt áhrif
til enskra „nursery schools“ og hugmynda
Macmillans. Ég tel, að við getum lært óhemju
margt af þeim og „infant schools", sem eru
fyrstu bekkir skyldunámsins þar (5—7 ára
aldursárgangar). Þótt allt sé þar ekki nýtt af
nálinni, hafa bæði Svíar og Bandaríkjamenn
sýnt mikinn áhuga á þessum stofnunum í
seinni tíð og sækja þangað óspart fyrirmyndir.
Sænska stjórnin hefur nýlega látið gera
mjög merkilega endurskoðun á innihaldi og
starfsháttum forskólastarfseminnar (þ.e. starf-
semi leikskóla og dagheimila fyrir börn frá
fæðingu til 7 ára aldurs). í tillögum nefndar-
innar, sem um málið fjallaði, kennir margra
grasa, og við getum lært margt af Svíum hér
sem endranær. En greinileg eru áhrifin frá
Bretum í þessum tillögum, enda er mér kunn-
ugt um, að nefndin fór í kynnisferð til Bret-
lands til þess að afla sér þekkingar á þessum
málum þar.
Athyglisvert er og að fylgjast með Head
Start hreyfingunni í Bandaríkjunum, leikskóla-
prógrömmum, sem sú hreyfing hefur komið
af stað, og þá ekki síður rannsóknum á gildi
þeirra.
Ég vil leggja áherzlu á, að ég fylgi engri
stefnu í uppeldis- og sálarfræði á einstreng-
ingslegan hátt. Ég reyni að fylgjast með nýj-
ungum á þessum sviðum, eftir því sem tækifæri
gefst. Mér hefur gefizt kostur á því m.a. í
mörgum utanlandsferðum til Evrópu, en þó
sérstaklega í námsferðum til Skotlands og
Noregs, og síðast í ársdvöl í Svíþjóð, sem var
mér ómetanlegur fengur.
í föndurtímunum reynir á hugkvæmni nemandans.
MENNTAMÁL
52