Almanak Ólafs S. Thorgeirssonar - 01.01.1938, Blaðsíða 48

48 ÓLAFUR S. THORGEIRSSON:
bíla aðgerðarstöð (Garage) og haft útsölu á Ford
bílum og dráttvélum. Er Páll mesti hugvits og hag-
leiks maður, vélfræðingur og völundur eins og þeir
bræður eru allir; hann er líka mannkostamaður og í
öllu hinn trúverðugasti. Hann hefir íslenzka lund
og leggur rækt við alt það er miðar að því að við-
halda því bezta úr vorum þjóðararfi. í safnaðarráði
Glenboro safn. hefir hann setið lengi, og í skólaráði
Glenboro-bæjar hefir hann verið um nokkurra ára
skeið. Páll er tvígiftur, var fyrri kona Margrét Sig-
ríður Sigurgeirsdóttir Friðfinnssonar og Bergljótar
Jónsdóttir, ættuð úr Þingeyjarsýslu, hin mætasta
kona, hún dó 31. marz 1919.
Páll giftist í annað sinni 1925 Guðrúnu Jóhönnu
Kristjánsdóttir Hannessonar og Helgu Einarsdóttur,
var hún fædd á Litluvöllum í Bárðardal en Hannes
var Húnvetningur að ætt. Móðir Guðrúnar var
Hlómfríður Kristjánsdóttir, var hún fædd á Máná á
Tjörnesi. Guðrún Jóhanna fæddist og ólst upp í
Víðigerði í Eyjafirði, kom vestur um haf 1913 en fór
heim aftur 1919, var þá 4. ár heima og í Danmörku;
kom vestur aftur 1923. Bróðir hennar er Jónas
Kristjánsson er forstöðu veitir mjólkursamlagi Ey-
firðinga. Guðrún er gáfuð kona og vel máli farin.
Var hún um skeið forseti kvenfélagsins hér og fórst
vel, hún er hugsjónarík og hneigð til félagsstarfsemi
og hefir tröllatrú á íslenzku manneðli og íslenzka
þjóðararfinn vill hún varðveita. Þau Páll og Guðrún
heimsóttu ísland 1930 og ferðuðust þá all víða um
landið, söfnuðu þá sálarforða og eldi til ljóss og hita
sem þeim endist um langa tíð. Börn þeirra eru:
Kristján Gunnar og Margrét Hólmfríður. Heimili
þeirra er hið prýðilegasta á friðsælum stað í bænum.
Stephen Christie (Stefán Kristjánsson) var
fæddur á Yzta-vatni í Lýtingsstaðahrepp í Skaga-
firði 16. febr. 1865. Foreldrar hans voru: Kristján
Kristjánsson bóndi á Yzta-Vatni og Þórunn Jóns-