Almanak Ólafs S. Thorgeirssonar - 01.01.1938, Blaðsíða 87
SAFN TIL LANDNÁMSSÖGU
ÍSLENDINGA í VESTURHEIMI.
Söguþáttur af landnámf íslendinga
viö Brown, Manitoba.
Eftir Jóhannes H. Húnfjörð.
FRAMHALD FRÁ 1937.
Árni Sigurðsson. — Fæddur 16. apríl 1839 á
Kirkjubóli í Stöðvarfirði. Fluttist með foreldrum
sínum síðar sama vorið að Innri-Kleif í Breiðdal og
sex árum síðar að Fagradal í sömu sveit. Þar bjuggu
foreldrar hans góðu búi, unz Sigurður dó 20. jan.
1856. Árni hefir lýst Sigurði föður sínum svo, að
hann “var maður fríður sýnum, hafði Ijóst hár og
skegg, hár vexti, herðamikill og hinn karlmannleg-
asti á velli. Hann þótti lögfróður; sóttu menn oft
ráð til hans, er einhvern vanda bar að. Þótti hann
ómjúkur og harður í orðum við alla þá, er beita vildu
slægð og undirferli, eða hafa í frammi rangsleitni;
hann var maður hreinskilinn og einarður, atorku-
maður og búhöldur góður.” Faðir Sigurðar var
Eiríkur, merkur maður, bjó mesta myndarbúi í
Eyjum í Breiðdal og síðar á Skjöldólfsstöðum í sömu
sveit. Faðir Eiríks hét Sigurður og var Eiríksson;
var Eiríkur á Skjöldólfsstöðum launsonur Sigurðar
þessa og Kristínar ögmundsdóttur hins sterka.
bónda á Streiti, Eiríkssonar. ögmundur á Streiti
var atgerfismðaur hinn mesti og búhöldur góður, og
Kristín dóttir hans var talin einhver bezti kvenkost-
ur þar um sveitir á sinni tíð. Eiríkur, faðir Sigurðar
eldra bjó á Geldingi og Skriðu í Breiðdal. Bróðir