Almanak Ólafs S. Thorgeirssonar - 01.01.1938, Blaðsíða 55
ALMANAK 1938
55
hvatti hann Halldór til vesturferðar, og flutti hann
því vestur um haf 1883, fór hann til Dakota nýlend-
unnar, hafði hann gert sér von um að ná þar heimil-
isréttarlandi, en sú von brást, voru öll lönd upptekin.
Var hann í Dakota þar til 1890 og leið bærilega, en
vann alt af hjá öðrum. Þráði hann að verða sjálfum
sér ráðandi, flutti því til Argyle það ár, og keypti
þar land, þó félítill væri, byrjaði búskap og farnað-
ist vel, borgaði landið og varð vel sjálfstæður. Var
hann mesti dugnaðar og fyrirhyggju maður, ábyggi-
legur í öllum viðskiftum, stóðu orð hans sem stafur á
bók. Halldór var tryggur vinnumaður, var hann
nokkur ár hjá Eiríki Bergmann í Dakota, bætti hann
árlega við kaup hans, kaus það heldur en að missa
hann, lagði hann hart að honum síðast að vera kyr,
en Halldór var þreyttur á vinnumenskunni og þráði
að vera sjálfs síns herra. Hann giftist 1867 Jóhönnu
Sigurlaugu Jónsdóttir, var hún fædd á Rútsstöðum í
Eyjafirði 1842, systir Karolínu er giftist dr. Jóni
Þorkelssyni yngra. Jóhanna var væn kona og gáfuð.
Tvær dætur áttu þau hjón: 1. Nönnu, er giftist Bald-
vin Sigurðsson, ættuðum frá Eyjafirði, dó hún fyrir
mörgum árum hér í bygðinni, en hann dó vestur á
Kyrrahafsströnd og 2. Margrétu, ekkju Hannesar
Hannessonar Jónssonar frá Kolþernumýri í Húna-
vatnssýslu. Var hann merkur bóndi í Argyle-bygð-
inni um fjórðung aldar, er hans getið hér í sérstökum
þætti. Fósturson áttu þau einnig er Halldór Þor-
steinsson hét, frá Öxnhóli í Eyjafirði. Var Þorsteinn
þessi vinur Halldórs. Skömmu fyrir andlát sitt hafði
hann orð á því við Halldór að hann mundi eiga skamt
ólifað, og bað hann líta til með drengnum. Tók hann
drenginn til fósturs; var hann 14 ára er Halldór réðst
til vesturferðar, vildi drengurinn ekki fara og varð
eftir. Kom hann seinna vestur og heimsótti fóstur-
foreldrana, en hvarf aftur til íslands.
Halldór Árnason var þrekmaður og jötun að
burðum, og í öllu var hann mesti sæmdarmaður, og