Almanak Ólafs S. Thorgeirssonar - 01.01.1938, Blaðsíða 107
ALMANAIC 1938
107
hingað aftur og skoða land. Og varð það úr, gerði
hann þrjár atrennur, því lönd voru þá flest tekin og
fékk Þorst. í fylgd með sér. í síðustu atrennunni
hittu þeir félagar Mennoníta að máli, er benti þeim
á hæð eður háan hól þar nálægt honum, er hann
kvað myndi vera ótekið heimilisréttarland, og fóru
þeir félagar þangað, og leist G. vel á sig þar. —
Daginn eftir brá G. sér til Winnipeg og fékk Magnús
Pálsson (br. Vilhelms Pálsson) með sér á landskrif-
stofuna, og lagði G. þar inn beiðni fyrir landið og
var það auðsótt mál. Sagði yfirmaður skrifstofunn-
ar Gunnari að hann mætti flytja á landið strax, en
þeir myndu senda mann til að sjá landið fljótlega
(inspector), og afhenti hann G. heimildarskjöl fyrir
landinu; bað G. Magnús að yfirlíta þau (þar eð M.
var betur að sér í ensku máli). Magnús sagðist
ekkert finna athugavert við þau. Stuttu síðar tók
Gunnar til að byggja, og flutti svo konu sína og eitt
barn, er þau áttu á þriðja ári, á landið þ. s. haust, en
ekki bólaði á neinum manni frá Landsskrifstofunni.
Nokkru síðar var G. að blaða í heimildarskjölum
sínum, og tók þá eftir því alt í einu að þau heimiluðu
honum alt annað land, og það austur í grend við Tol-
stoy, Man. (þ.e. 1-6 austur), en landið sem hann hafði
bygt á var eign CPR fél. Brá G. í brún við þær upp-
lýsingar, góð ráð voru dýr, svo hann brá sér í skyndi
til Morden á fund lögmanns og tókst þeim að fá
C. P. R. félagið að skifta á löndunum við stjórnina.
Eftir það bjó G. á landinu, ruddi skóg og yrkti akur,
með dugnaði. Voru þau hjón samhent við búskapinn,
bæði dugleg og myndarleg til verka og sparsöm.
Árið 1919 bygði G. vandað hús. Um nokkurn
tíma áður hafði borið á lasleika í Gunnari, sem á-
gerðist svo hann treystist ekki til að vinna landið, en
leigði nágranna sínum, Ingimundi Johnson það. —
Árið 1926 rann út leigutími Ingimundar, og af því að
Gunnar var þá ekki orðinn heill heilsu, en hafði tæki-
færi að selja, þá gerði hann það. Svo eftir 27 ára