Almanak Ólafs S. Thorgeirssonar - 01.01.1938, Blaðsíða 22

22
ÖLAFUR S. THORGEIRSSON:
lengur. En með því að ástæður leyfa eigi, að þetta
verði gert svo sem skyldi, verða línur þessar sem
hér fylg.ia og eru aðeins stutt yfirlit helztu æfiatriða
hans og athafna, að koma í þess stað, í þetta sinn.
Ólafur Sigtryggur Thorgeirsson var fæddur á
Akureyri 16. september 1864. Foreldrar hans voru
hjónin Þorgeir gullsmiður Guðmundsson og Sigríður
ólafsdóttir, af hinni svonefndu Hvamms-ætt. For-
eldrar hans munu hafa búið á Akureyri alla tíð frá
því að þau giftust og þangað til þau fluttu alfari af
landi burt. Hjá þeim ólst Ólafur upp til fulltíða
aldurs. Nokkur ár gekk hann í barnaskóla Akureyrar
og naut þar ágætrar tilsagnar hjá þeim kennurunum,
Jóhannesi Halldórssyni og Tómási Davíðssyni —
tungumála-Tómási—, er þá voru taldir beztir barna-
fræðarar norðanlands.
Þegar Ólafur var 14 vetra vistaðist hann til
Björns prentsmiðjustjóra Jónssonar, er bæði þá og
síðar, réði til sín marga efnilega menn, til þess að
nema af honum prentiðn. Að náminu loknu vann
hann áfram hjá honum í nokkur ár.
Ólafi sóttist námið vel. Var honum verk þetta
mjög að skapi. Kom strax í ljós hjá honum listgáfa
hans og fegurðarsmekkur sá, er hann bjó yfir. Stóð
hann í því efni mörgum framar. Unni hann sérstak-
lega smekklega útgefnum bókum eða ritum. Prent-
iðnin var ávalt, í hans augum, ekki eingöngu hand-
iðn eða atvinnugrein heldur sérstæð list, sem leggja
bar alla alúð við. Kipti honum þar í kyn til hinna
fyrri íslendinga, er hófu handritagjörð sína upp í
veldi lista og fegurðar. Hann var list-prentari að
eðlisfari.
Systkini Ólafs voru fjögur. Elzti bróðirinn, Jó-
hann Gottfred, síðar verzlunarmaður í Þingvallabygð
og svo í Winnipeg, flutti vestur um haf sumarið
1882. Varð það til þess að hin systkinin og foreldr-