Almanak Ólafs S. Thorgeirssonar - 01.01.1938, Blaðsíða 25
ALMANAK 1938
25
blaðaheitinu “Tribune”. Undir boðsbréfið voru rit-
aðir sex menn: Sigtryggur Jónasson, Einar Hjör-
ieifsson (Kvaran), Bergvin Jónsson, ólafur S. Thor-
geirsson, Árni Friðriksson og S. J. Jóhannesson.
Fyrsta tölublaðið kom út 14. janúar 1888. Tók
Ólafur þegar við stjórn prentsmiðjunnar og veitti
henni forstöðu í rúm 17 ár (1905). Aðstoðarmaður
hans í byrjun var Bergvin Jónsson er áður hafði
verið stílsetjari við blaðið Framfara í Nýja-íslandi.
Verk sitt vann Ólafur vel. Skifti nú mjög um,
við það sem áður hafði verið, með hin fyrstu blöð, er
út höfðu verið gefin, að frágangur allur var hinn
smekklegasti eftir því sem letur og áhöld leyfðu.
Fékk prentsmiðjan því brátt orð á sig undir hans
stjórn.
Er blöðin voru orðin tvö, tók þegar að bryddu á
deilum á milli þeirra. Keptu þau nú hvort við annað
um að ná sem almennastri hylli og útbreiðslu. Það
var skilnigur þeirra tíma að eins líf væri annars
dauði. Þeim stuðningi er Heimskringla hafði notið
frá almenningi var nú brátt kipt burtu af þeim er
hölluðust að, eða fylgdu hinu nýja blaðafyrirtæki.
Urðu flokkaskilin öllu greinilegri en áður og skoð-
anamunur ákveðnari. Það var komið út í baráttu—-
hina æfagömlu baráttu, fyrir tilverunni. Bak við
flokkaskiftinguna stóð hinn trúmálalegi og pólitíski
ágreiningur. Frá sjónarmiði þeirra tíma, átti alt að
þjóna undir hið nýstofnaða kirkjufélag og frjáls-
lynda flokkinn er þá sat að völdum í Manitoba, eða
undir íhaldsflokkinn og einskonar óháða frjálslynda
trúmálastefnu, er engu skipulagi var búin að ná.
Markmiðið var að byggja upp sem ákveðnasta
flokka, hvað sem öðru leið. Gerðust þau brögð að
þessu, að skoðanaháttur þessi kom fram í sem næst
öllum félagsmálum þó hlutlaus ættu að vera og væri
í sjálfu sér.
Hugsunarháttur þessi mun hafa snert Ólaf ó-
þægilega, strax og hann fór að kynnast honum, er að