Almanak Ólafs S. Thorgeirssonar - 01.01.1938, Blaðsíða 91

ALMANAK 1938
91
tveir hinir eldri synir þeirra, Sveinn og Þórður höfðu
farið til Vesturheims þremur árum áður. Fóru þau
rakleiðis til Norður Dakota, þar sem synir þeirra
Sveinn og Þórður voru þá í bændavinnu í grend við
Akra pósthús. Næsta vetur eftir, festi Árni land
(160 ekrur), með heimilisrétti, þar í Akra-bygðinni.
Það land var lélegt — úrgangur, sem varla nokkur
hafði viljað nýta, en alt annað var þá fyrir löngu
numið í því bygðarlagi. Þar bjuggu þau hjón rúm
sex ár; þá seldi Árni þetta land og flutti sumarið
1899 búferlum norður í Brown nýlenduna, sem þá
var óðum að byggjast af íslendingum. Nam hann
þar með heimilisrétti suðausturfjórðung úr section
21, í township 1. og 6. röð vestur af fyrsta hádegis-
baug eins og það er skilgreint á landmælingaupp-
dráttum Canada-stjórnar. Bjó Árni þar 8 ár. Synir
hans, Þórður og Gunnlaugur, voru þar með foreldr-
um sínum. Komu þeir feðgar upp góðu heimili,
bæði íveruhúsi og gripafjósum, ruddu skóg, sem var
all-mikill á landinu, eins og víðast hvar í bygðinni,
og gerðu akra úr hinu hreinsaða landi. Árið 1902
keypti Þórður 160 ekrur af landi nokkru norðar og
vestar í nýlendunni; flutti hann þá frá foreldrum
sínum og byrjaði búskap á þessu landi. Yngri syst-
kinin, Gunnlaugur og Stefanía, bjuggu áfram með
foreldrum sínum. Árið 1907 seldi Árni bújörð sína
og búslóð og flutti til Þórðar sonar síns, sem þá hafö
numið land í Vatnabygðum, svonefndum í Saskat-
chewan. Kristjana, kona Árna var orðin mjög þrotin
að heilsu og honum tekið all-mikið að hnigna, enda
þau bæði komin fast að sjötugu; treystust þau því
ekki til þess að halda lengur áfram erfiðum búskap.
Hjá Þórði og Sigurrós konu hans var Árni alla stund
síðan, unz hann lézt 7. apríl 1931, skorti þá aðeins 9
daga til þess að vera fullra 92 ára að aldri. Krist-
jönu konu sína misti Árni 14. des. 1912. Var hún
síðustu ár æfinnar hjá Stefaníu dóttur sinni og
Jónasi Tómassyni manni hennar.