Iðunn : nýr flokkur - 01.10.1930, Blaðsíða 23

IDUNN
Nýja Island.
Leiðin liggur frá Gamla íslandi til Nýja íslands. Það
t\r leið mannsins frá hinu gamla til hins nýja í þeirri
von, að hið nýja taki fram hinu gamla. Þannig hefur
Torfi Torfason selt ærnar sínar og kýrnar sínar og hest-
ana sína, tekið sig upp af jörðinni sinni og farið til
Ameríku — þangað, sem rúsínurnar vaxa út um alt og
miklu ágætari framtíð bíður vor og barna vorra. Og
hann tók í hornið á ánum sínum í síðasta sinn, leiddi
þær fyrir hæstbjóðanda og sagði: »Þetta er nú hún
Gullbrá mín, sem skilar sínum tveim lömbum frammi í
Múlatá í hverjum göngum. Og hvað segirðu um lagðinn
á henni Spólu minni? Er það kannske ekki hnellin
kind, hún Spóla?«
Og þannig seldi hann þær hverja af annari og hélt
sjálfur í hornin á þeim. Og hann þrýsti hornunum á
þeim að sigginu í lófum sínum í síðasta sinn. Það voru
ærnar hans, sem þyrpst höfðu á garðann í vetrarhörk-
unum og stungið nefjunum inn í góðu lyktina. Og þegar
hann kom heim úr langri kaupstaðarferð eftir að hafa
átt í brösum við misendismenn, þá dáðist hann að því,
hvað þær voru drifhvítar á lagðinn. Þær voru eins og
einhver sérstök tegund af manneskjum og þó betri en
manneskjur yfirleitt. Og þarna voru kýrnar hans leiddar
úr garði eins og stórar og fávísar konur, sem eru þó
svo góðar í sér, og manni þykir vænt um þær, af því
að maður hefir þekt þær síðan maður var ungur. Þær
voru leiddar út traðirnar og ókunnugir strákar ráku á
eftir þeim með ólarspotta. Og hann klappaði hestunum