Kirkjuritið - 01.04.1948, Page 16

Guðmundur Einarsson,
próíastur.
Fæddur 8. sept. 1877. — Dáinn 8. febrúar 1948.
IN MEMORIAM.
Heimilið í hryggðum drúpir,
húsfaðirinn liggur nár,
hann sem gerði garðinn frægan.
Glitra á vinahvörmum tár,
er þeir kveðja mæta manninn,
minning hans svo fögur er.
„Æ! hversu nú auð er borgin."
Annan svip nú Mosfell ber.
Höfðingja sinn hérað syrgir;
hann sem jafnan fremstur stóð.
Vel hann bæði í verki og orði
vinna gjörði landi og þjóð.
Unga að göfga, manna, mennta
markvisst starf var fræðarans.
Fólkið allt að hefja hærra
hugsjón æðst var leiðtogans.
Herrans Jesú helga kirkja
harmar dyggan starfsmann sinn.
Ákveðinn með öflgu starfi,
ungur gekk í víngarðinn.
Presturinn og prófasturinn
prédikaði lífsins orð.
Höndlaður af konung Kristi
kraup í auðmýkt við hans borð.