Kirkjuritið - 01.04.1953, Blaðsíða 13
NÆR KROSSINUM
79
deyja. Það er líka mikilsvert, og við viljum biðja eins og
meðan við vorum börn:
Minn Jesú, andlátsorðið þitt
í mínu hjarta eg geymi.
Sé það og líka síðast mitt,
þá sofna eg burt úr heimi.
Já, Jesú sé lof og þökk fyrir allt, sem við getum lært
af honum og myndinni, sem við okkur blasir á Golgata.
Ef við komum nógu nærri krossinum og ef við virðum
fyrir okkur nógu einlæglega allt, sem þar gerðist, þá mun-
um við vissulega komast að sömu niðurstöðunni og hundr-
aðshöfðinginn, sem sennilega hefir séð um krossfestinguna,
an hann sagði, er hann hafði horft á þetta allt: Sannarlega
hefir þessi maður verið Guðs sonur.
Krossinn.
Victor Hugo. Lag eftir J. Faure.
Kom, sorgarbarn, til hans, sem ei þig yfirgefur,
í opinn faðm hans, kom. Þér lækning búin er,
og friður hans um hug þinn fer.
Hann brosir, sorgarbarn, við þér.
Hann einn fær veitt þá gleði’, er eilíft gildi hefur.
Einar M. Jónsson þýddi.