Kirkjuritið - 01.04.1953, Blaðsíða 78
Erlendar fréttir.
Gústaf Aulén biskup
lætur nú af embætti, 73 ára að aldri. Hann hefir haft mikil
áhrif á íslenzka prestastétt, því að trúfræði hans hefir langa
hríð verið höfð að kennslubók í guðfræðideild, allt frá því er
Sigurður prófessor Sívertsen tók hana upp.
Berggrav biskup svarar spurningum í norska útvarpinu.
Norska útvarpið hefir tekið upp þátt, spurningar og svör
um kristindómsmál. Hafa hlustendur sent spurningar sinar til
útvarpsins, en Berggrav biskup hefir svarað. Hefir spurninga-
þáttur þessi átt vinsældum að fagna meðal norskra útvarps-
hlustenda.
Hvemig væri að stofna til slíks þáttar í íslenzka útvarpinu?
Kirkjulegar kvikmyndir.
Mjög færist það í vöxt, að kvikmyndir séu notaðar við krist-
indómsfræðslu og kristilega starfsemi yfirleitt.
í Svíþjóð er sérstök stofnun, „Kyrkliga Filmbyrán", sem
hefir með höndum gerð og dreifingu slíkra mynda.
1 Bandaríkjunum og Englandi eru félög, sem láta gera kirkju-
legar mvndir.
Nýlega var gerð í Þýzkalandi merkileg kvikmynd um „Mar-
ein Lúter“, er sýnd mun verða í kvikmyndahúsum innan
skamms.
Eisenhower forseti gengur til „spurninga".
Það þótti tíðindum sæta í erlendum blöðum, er Eisenhower,
hinn nýkjörni forseti Bandaríkjanna, gekk í presbyteríönsku
kirkjuna og var skírður í hinni frægu kirkju á Connecticut
Avenue, sem áður hafði verið kirkja ekki færri en 7 forseta-
Eftir skírnina var hann fermdur og hafði þá áður gengið til
„spurninga" hjá presti safnaðarins. Vakti athöfn þessi mikla
athygli vestan hafs og víðar. í þessu sambandi má minna a
ummæli forsetans, er hann hafði nýlega tekið við embætti sin •
„Nú er nauðsynlegt að biðja. Það er ekki hægt að stjórna heilh
þjóð, nema styðjast við sannindi kristindómsins.“
Við embættistöku sína í Washington flutti hann sjálfur bæn
í áheyrn þjóðar sinnar og bað Guð um styrk til þess að vinna