Eimreiðin - 01.07.1929, Blaðsíða 22
206
GOÐAST]ÓRN
EIMREIÐIN
hún hangir enn við stýrið. Sennilega er hún að öllu samtöldu
lélegasta og óviturlegasta stjórnskipulag, sem fundist hefur.
Og það er ómótmælanlegt og sannanlegt, að auðvelt er að
ráða bót á flestum göllunum eða draga úr þeim til mikilla
muna. Bæði ég og fleiri hafa bent á ýms ráð til þess, en um
hitt má lengi deila hver séu álitlegust, þar sem um mörg er
að gera. Reynzlan ein getur skorið úr því máli. Þá kemur
það og til greina, að öll þau ráð, þó ágæt væru, sem myndu
öllum almenningi fjærri skapi t. d. afnám alm. kosningaréttar,
eru í raun og veru gagnslaus, vegna þess hve erfitt er að
framkvæma þau. Stjórnarbótamenn eru því bundnir við þær
tillögur, sem líkindi eru til að framkvæmanlegar séu.
Mér hefur fyrir nokkrum árum komið til hugar einföld
breyting á stjórnskipulagi voru, sem hugsanleg er að fram-
kvæma og hefur þessa kosti:
A) Stjórnavfar og stjórnmálaástand tekur þessum breytingum:
1. Almennar kosningar verða minna notaðar en nú gerist
og áhrif þeirra breytast að líkindum til muna.
2. Stjórnmálaflokkar í sinni núverandi mynd hverfa smám
saman að mestu eða öllu. Deilan verður frekar um málefni
en völd.
3. Með flokkunum hverfa flokksblöðin eða breytast stórum.
4. Þingmenn fá miklu frjálslegri og virðulegri aðstöðu en
nú gerist, og virðing þingsins eykst stórum. Þá verða og þing-
menn hæfari til starfa og þekking þeirra meiri en nú gerist.
5. Stjórnin verður landsstjórn en ekki flokksstjórn, föst í
sessi, fróðari og starfhæfari en nú gerist.
6. Stjórnmálastefnan hjá þingi og stjórn verður að jafnaði
sjálfri sér samkvæm, laus við skyndibyltingar, en breytist
smám saman eftir kröfum tímans.
7. Fjármál öll fá fastari grundvöll en áður, og freistingin
verður hálfu minni til þess að eyða landsfé um skör fram.
8. Innanlandsstyrjöldin út af stjórnmálum og flokkum fellur
að mestu niður.
B) Aðstaða kjósenda og almennings verður þannig: