Eimreiðin - 01.07.1929, Blaðsíða 28
212
GOÐASTJÓRN
EIMREIÐIN
Með þessum hætti geta kjósendur, ef þeir hafa framtak
til þess, ráðið úrslitum allra deilumála, og meira verður ekki
heimtað. Hins vegar er mér engin launung á því, að ég geri
ekki ráð fyrir, að þessi mikli íhlutunarréttur verði notaður
svo úr skeri nema stöku sinnum. Það eru ekki allir, sem
hafa svo sterka sannfæringu, að þeir vilji gefa 40 aura fyrir
hana, eða burðargjald undir 2 bréf til dómsijórans. En rétt-
inn hafa kjósendur, hvort sem þeir nota hann eða ekki, og
með honum yfirtökin í öllum landsmálum.
Að úrsögn gangi ekki í gildi fyr en ár er liðið, og hún
jafnframt áréttuð, er nauðsynlegt til þess að kjósendur hafi
nægan umhugsunartíma, og fari síður eftir kviksögum einum
eða undirróðri. Skoðanir manna breytast og oft við árs at-
hugun, og er engin vansæmd að því.
Stjórnskipulag það, sem hér er lýst, er jafnvægisskipulag,
sem styðst annars vegar við fasta landsstjórn og hins vegar
við kjósendur og þeirra vilja, en kjósendur mega sín meira,
ef á milli ber. Að þessu leyíi svipar því til enska stjórnskipu-
lagsins, þar sem annars vegar eru höfðingjar (aðall, fræði-
menn, auðmenn) og hins vegar þjóðkjörnir þingmenn. Reynsl-
an hefur sýnt, að fornu og nýju, að með þessum hætti verður
stjórnarfarið bezt, þó enginn skuli ætla sér að búa til neina
Paradís, meðan mennirnir eru svo ófullkomnir sem þeir eru.
Vér höfðum goðastjórn til forna. Vér getum tekið hana
upp aftur með þeim breytingum, sem allar ástæður vorrar ald-
ar krefja, en alt verður þó að vera sniðið eftir vorum þörfum,
skaplyndi og landshögum.
Nú búum vér við útlent skipulag, sem vér höfum apað eftir
nágrannaþjóðunum. Og allar nýjar stefnur, sem hér hafa náð
nokkru fylgi, eru einnig innfluttur varningur, t. d. jafnaðar-
stefnan, aðallega komin frá Danmörku.
Svo andlega volaðir höfum vér verið og siðferðislega þrek-
lausir, að vér höfum ekki séð annan kost vænni en að taka
upp eftir öðrum ilt og óviturlegt stjórnskipulag, sem nú er á
fallandi fæti, og það án þess að hugsa vitund um, hvort það
hentaði oss og vorum högum.