Eimreiðin - 01.07.1929, Qupperneq 108
292
SÁLRÆNAR RANNSÓKNIR
EIMREIÐIW
sónulegan kraft. Þeir vísindamenn, sem rannsakað hafa miðils-
gáfu Margery, og reynt hafa að halda því fram, að hún sé
sjálf völd að fyrirbrigðunum, hafa um leið orðið að játa, að
hún sé bæði rafmagnsfræðingur, loftskeytamaður, eðlisfræð-
ingur, efnafræðingur, ljósmyndari, myndamótari, dávaldur o. fl-
Crandon læknir segir frá því, að prófessor einn í efnafræði,
sem var mesta góðmenni, hafi eitt sinn, þegar hæst stóðu
ofsóknirnar gegn Margery, huggað hana með þessum orðum:
»Þeir mundu ekki gera úr þér alt þetta, ef þeir vissu hvað
þú ert fákunnandi!«
Tilraunirnar með Margery byrjuðu eins og slíkar tilraunir
eru vanar að byrja. Fyrst var notað borð, og kom þegar i
ljós, að Margery hafði mestan hreyfikraftinn. Þannig orsakaðist
það, að hún varð miðill. Qáfa hennar er sú sama, hvort sem
fundirnir eru haldnir heima eða meðal ókunnugra. Maður
hennar hefur stundum verið fjarstaddur fundina. Fyrirbrigð1
þau, sem gerst hafa á fundunum hjá Margery, eru margvís-
leg, og skulu hér taldir helztu þættir þeirra:
Kuldastrokur. Mjög algengt er á fundunum, að miklar
kuldastrokur leggi út úr byrginu, rétt áður en fyrirbrigðm
gerast. Einkum ber mikið á þessu, þegar fyrirbrigðin eru skýr-
Hitinn í fundaherberginu er hafður rúmlega 20 stig á Celsius.
En stundum fellur hitinn í byrginu snögglega um alt að 15
stig, svo að mælirinn sýnir aðeins um 5 stiga hita.
Firðhræringar (Telekinesis). Margskonar firðhræringar gef'
ast. Lítill, lýsandi pappírshringur hefur svifið um í loftinu-
Það eru minstu fyrirbrigðin þessarar tegundar. En stundum
hafa þau orðið stórfeldari. Þannig hefur borð með fullorðnum
karlmanni lyfst alveg frá gólfi. Maðurinn var um 160 pund
á þyngd.
Ósjálfráð skrift í svefni. Margery hefur oft ritað ósjálfrátt
í sambandsástandi. Á einni viku ritaði hún þannig á níu mis*
munandi tungumálum.
Osjálfráð skrift í vöku. Það, sem ritað hefur verið h)3
Margery að henni vakandi, er að vísu ekki mjög mikið a<5
vöxtunum, en sumt af því harla einkennilegt, svo sem langar
setningar á kínversku og með kínversku myndletri. Um þessa
kínversku skrift hefur mikið verið deilt meðal sérfræðinga >