Eimreiðin - 01.09.1968, Síða 32

178
EMREIÐIN
þarf, eins og krakkar í skóla, að sæta nokkuð ströngum aga um
hríð. Hún mun sætta sig furðanlega við hann, eins og börnin í
skólanum, þegar þau finna, að sú styrka hendi, sem stjórnar þeim,
vill þeim vel.
Þú spurðir um afstöðu mína til trúmála. Því er fljótsvarað. Guðs-
trúin og hjátrúin hafa ávallt verið geysi sterkir þættir í eðli mínu,
þættir, sem ég vildi ekki án vera og hefði ekki getað án verið. En
mér hefur fundizt ég hafa haft svo mörgu að sinna um dagana og
þurfa svo mörgu að kynnast, að ég hef ekki gefið mér tíma til þess
að gerast trúboði eða búa aðra undir eilífðina. En varðandi sjálfan
mig hef ég hugsað sem svo: Úr því að ég hef komizt sæmilega út
af flestu hérna megin í hópi misjafnra manna — mundi ég þá ekki
mega eiga von á því, að komast einnig sæmilega af við máttar-
völdin hinum megin, þegar þar að kemur?
Einn þdttnr er ótalinn enn i ritstörfum Guðmunclar Hagalins,
en það er ritstjórn hans d ýmsum blöðum og timaritum, og vér inn-
um liann ndnar eftir þessu:
Ég hef áður minnzt á það, að ég var ritstjóri austur á Seyðisfirði,
þegar ég var rúmlega tvítugur. Ég ritstýrði þar tveimur blöðum,
Austanfara og Austurlandi, og skrifaði þau að mestu leyti einsam-
all. Þetta voru vikublöð, fjórar síður, og voru venjulega tvær af
þeim auglýsingar. Síðan hef ég ritstýrt blaðinu Skutli á ísafirði
um nokkur ár, svo og nokkrum tímaritum. Til dæmis hef ég verið
ritstjóri Dýraverndarans í 15 ár. Ég hef alltaf verið dýravinur, og
dýrin hafa verið vinir mínir. Maður veit alltaf, hvar maður hefur
dýrin. Þess vegna hefur mér þótt vænt um þau og þótt full þörf á
að stuðla að því, að réttur þeirra væri ekki fyrir borð borinn. Þá
er kannski rétt að geta þess hér, að ég varð ritstjóri Eimreiðarinnar,
þegar Félag íslenzkra rithöfunda tók að gefa hana út á sínum tíma.
En það var aðeins bráðabirgðaráðstöfun, og ég ætlaði mér aldrei
að vera það lengur en þar til annar maður kæmi, sem gæti sinnt
þessu starfi og gefið því meiri tíma en ég hafði völ á. Um sama
leyti var ég ritstjóri Skmfaxa, og gerði ég það einkum til þess að
koma í veg fyrir að hann sálaðist, en góðærin undanfarna áratugi
hafa orðið mörgum tímaritunr skeinuhætt, eins og góðæri vilja tíð-
um verða margvíslegri menningarstarfsemi, bæði hérlendis og ann-
ars staðar. í skjóli slíkra tíma þrífast betur ýmis konar sorprit og
afþreyingabókmenntir, en gömul og góð tímarit berjast í bökkum.