Eimreiðin - 01.09.1968, Page 34

Ingólfur Kristjánsson:
MYNDIR UM HAUST
IVIánaskin merlar um voga.
Mjúklát hjalar viS sanda
aldan, sem æöurinn ber
inn fyrir sker og tanga.
Lækur liðast í hvammi
lygn og silfurtær.
Hauströkkvuð holtin í ioga
heiðnæturbjarmans standa,
skrautvagn í skýjum fer,
skuggar um hlíðarvanga.
í dali til fjalla frammi
falinn er lítill bær.
Hér átti ég minnar æsku
óráðnu, en léttu spor.
í örmum ástar og gæsku
var óslitiS fagurt vor.