Tímarit lögfræðinga - 01.06.1968, Qupperneq 67

Stefnandi skýrði svo frá, að hann hafi verið ráðinn
sem bókhaldari hjá stefnda, en hjá honum hafi verið
vélabókhald. Hann kveðst hafa haft próf frá Verzlunar-
skólanum, en þar sé þó eigi kennd meðferð bókhaldsvéla.
Hann kvaðst þó hafa komizt mjög fljótt inn i að vinna
við vélabókhaldið. Hann kvaðst ekki hafa verið ráðinn til
starfa við vélritun, enda hafi sér í upphafi verið tjáð, að
þau störf væru unnin af stúlku. Hann kveðst þó hafa
unnið við vélritun, þegar beðið hafi verið um og svo hafi
staðið á. Stefnandi kvað framkvæmdastjóra stefnda aldrei
hafa kvartað undan störfum sínum að undanteknu einu
skipti, þegar hann hafi fundið að vélritun sinni. Þann
19. júní 1958 hafi framkvæmdastjóri stefnda farið erlend-
is og dvalið þar í þrjár vikur. A þeim tíma kvaðst stefn-
andi hafa innt af hendi ýmis störf í þágu steínda, sem
til féllu. Þann 22. júní 1958 kvaðst stefnandi ham hafið
máls á þvi við framkvæmdastjórann, hvort hann fengi
ekki einnar viku sumarfrí. Hafi framkvæmdastjórinn
svarað orðrétt: „þú getur fengið alveg frí“. Eftir snörp
orðaskipti kveður stefnandi, að framkvæmdastjóri stefnda
hafi sagt sér upp vinnunni þá á stundinni, en tjáð sér að
þar sem stefnandi ætti inni 8 daga sumarfrí gæti hann
fengið greidd laun til 1. ágúst.
Kveðst stefnandi hafa þá hætt þann dag og fengið laun
greidd út mánuðinn. Hann kveðst ekki hafa gert fyrir-
vara þá um uppsagnarfrest, þegar hann tók við launum,
enda hafi hann aðeins verið 20 ára og verið alls ókunnugt
um, hvaða rétt hann kynni að eiga til uppsagnarfrests.
Stefnandi kvaðst hafa tekið sumarfrí eftir að starfi hans
lauk hjá stefnda og verið i sumarfríinu til 10. ágúst
1958, en þá hafi hann hafið starf við byggingarvinnu.
Þann 6. september þ. á. hafi hann ráðið sig til annars
fyrirtækis og fengið kr. 4.900,00 í laun á mánuði. Kvaðst
hann ekki hafa verið ráðinn til neinnar vinnu á þeim
tíma, sem hann hafi verið í starfi hjá $tefnda.
Framkvæmdastjóri stefnda skýrði svo frá, að hann hafi
Tímarit lögfræðinga
127