Tímarit lögfræðinga - 01.11.1994, Qupperneq 50

lagagildi, miðað við nýjustu þróun að þessu leyti. Þessi samningur tryggir
víðtækari réttindi en viðbúið er að unnt verði talið að hægt sé að veita hér á
landi með fullnægjandi hætti. Má þar til nefna mjög víðtæka skyldu til að
veita útlendingum aðstoð túlks.
Þær siðareglur sem gilda og eiga að gilda þurfa að vera þeim kunnar sem
þær eiga að nota. Það er m.a. hægt að gera með því að innprenta þær í mennt-
un starfsstétta sem hafa með frjálsræðissvipta menn að gera og síðan að halda
áfram að predika þær þannig að það skapist meðvituð umræða á vinnustöðum
um þessar reglur og beitingu þeirra.
Ef ég á að lokum að reyna að meta hvaða áhrif alþjóðlegar siðakröfur varð-
andi frjálsræðissvipta menn komi til með að hafa á íslenska refsipólitík á
næstunni, ætla ég að nefna tvö atriði.
í fyrsta lagi að með auknu alþjóðlegu eftirliti verða gerðar ríkari kröfur en
hingað til að öllunt meginreglum sem felast í þessum alþjóðlegu reglum verði
fylgt, ekki aðeins almennt heldur alls staðar. I því sambandi verður fróðlegt
að fylgjast með því hvort og þá hvaða atriði það verða sem alþjóðlegir eftir-
litsaðilar sætta sig við að ekki sé fylgt út í æsar með tilliti til staðbundinna
aðstæðna í einstökum ríkjum.
I öðru lagi að sem afleiðing af auknu alþjóðlegu eftirliti muni umræða aukast
um það hvert sé raunverulegt innhald þeirra alþjóðlegu siðareglna sem varða
þá sem sæta frjálsræðissviptingu, en þessar reglur eru ekki alltaf skýrar, og
hvemig best er að aðlaga þær lögum og framkvæmd.