Tímarit lögfræðinga - 01.12.2002, Síða 6

Allt er þetta gott og blessað og sýnist sjálfsagt að tillögur þessar verði teknar
til athugunar, þótt reyndar hafi viðskiptaráðuneytið hafnað því í greinargerð
sinni frá 11. febrúar 2002. Það hlýtur þó að vera sérstakt athugunarefni hvort
ástæða er til þess að sérstakar reglur gildi um framkvæmd húsleitar Sam-
keppnisstofnunar, hvort ekki sé réttara að lögbinda almennar reglur sem eiga þá
við alla jafnt þegar sömu aðstæðum er til að dreifa. Þá verður að hafa ríkt í huga
þá staðreynd að í upphafi húsleitar getur verið harla erfitt að sjá fyrir að hverju
hún kann að beinast þegar á hólminn er komið. Er t.d. hægt að ákveða fyrirfram
að þessa tölvuskrána skuli skoða en ekki hina? Það er hætt við að ýmis álitaefni
komi til sögunnar þegar á reynir og miklu fremur þegar um er að ræða húsleitir
Samkeppnisstofnunar heldur en þegar leitað er að fíkniefnum eða þýfi. Þau
álitaefni geta orðið margvíslegri en svo að framkvæmanlegt sé að setja lög eða
reglur þar sem hægt verði að leita lausnar á þeim. Þetta breytir því þó ekki að
það er vel þess virði að skoða möguleikana á þessu sviði og reyna að koma
málum þannig fyrir að réttarstaða þeirra aðila sem í hlut kunna að eiga sé sem
ljósust. Má hér minna á að lögin um meðferð opinberra mála sæta nú heildar-
endurskoðun og hafa sætt í nokkur ár. Sjálfsagt er að reyna að grípa þau
tækifæri sem við þessa endurskoðun geta boðist.
310