Árbók Háskóla Íslands - 01.04.1967, Blaðsíða 15
13
denta o. fl. Er við margar erlendar fyrirmyndir að styðjast
í þessu efni, svo sem kunnugt er, enda eru hér tekin upp vinnu-
brögð, sem tíðkazt hafa víða um áætlunargerð um eflingu aka-
demískrar starfsemi. Eru miklar vonir tengdar við störf þess-
arar nefndar. Er það mikilsvert, að fé er veitt til að ráða nefnd-
inni starfsmann, en slíkt starf sem þetta verður ekki unnið án
sérstaks starfsliðs, og er það grundvallarforsenda fyrir árangri.
Undanfarin ár hefir kennsla í tannlækningum valdið ýmsum
örðugleikum. Af Háskólans hendi hefir verið lögð mikil vinna
í úrlausn þeirra mála. Óhjákvæmilegt þótti að létta nokkuð á
deildinni, svo að unnt yrði að veita viðtöku nýjum stúdentum.
Var það gert með þeim hætti, að fimm norrænir tannlækna-
háskólar og tannlæknadeildir, í Kaupmannahöfn, Árósum,
Umeá, Stokkhólmi og Ósló, veittu viðtöku hver um sig einum
íslenzkum stúdent, sem lokið hefir fyrrahlutaprófi hér við
Háskólann, og munu stúdentamir stunda síðarahlutanám við
þessar stofnanir. Er Háskóli Islands þakklátur forráða-
mönnum þeirra fyrir þann skilning og góðvild, er þeir hafa
sýnt Háskólanum með þessari fyrirgreiðslu. Þessar ráðstaf-
anir hafa skapað aðstöðu til að veita viðtöku nú í haust 20
stúdentum í tannlæknadeild frá stúdentaárgöngunum 1965 og
1966, en endanleg afstaða til umsókna þeirra verður þó ekki
tekin, fyrr en að loknu efnafræðiprófi á næsta vori. Fyrir at-
beina ríkisstjórnarinnar hefir verið framlengdur leigusamn-
ingur um núverandi húsnæði tannlæknakennslu í Landspítala
til ársins 1972.
Nýtt fréttablað, Fréttir frá Háskóla Islands, hóf útkomu á
s.l. vori. Er því ætlað að flytja fréttir af starfsemi skólans og
ræða um ýmis almenn háskólamálefni.
Nú á næstunni mun hefjast könnun á félagslegum högum
stúdenta við Háskólann í samvinnu við Stúdentaráð. Hefir
ríkisstjórnin veitt nokkurt fé í þessu skyni. Slíkar kannanir
þykja hvarvetna við háskóla hinar nytsamlegustu, og hefir áð-
ur verið gerð grein fyrir þessu máli á háskólahátíð. Að imd-
anfömu hafa farið fram ýmiss konar athuganir á vegum Efna-
hagsstofnunar, á fjölda stúdenta hér við skólann, vanhöld 1