Árbók Háskóla Íslands - 01.04.1967, Blaðsíða 25
23
léð máls á. Mér virðast einnig mörg rök hníga til árgangaskip-
unar, en þar verður þó að gæta þess, að veita mönnum nokk-
urt svigrúm, þannig að þeir séu ekki útskúfaðir, þótt þeir geti
ekki skilað námsefni að öllu leyti í lok hvers árs um sig. For-
senda fyrir slíkum breytingum er óefað sú, að kennaralið sé
stóraukið og því breytt að nokkru leyti, þ. e. að tiltölulega
fleiri aðstoðarkennarar og æfingakennarar séu ráðnir en nú
tíðkast. Kennsla í smáum hópum, semínaræfingar og verklegar
æfingar þyrftu þá einnig að aukast til mikilla muna, en dregið
yrði úr fyrirlestrum. Slík tilhögun krefst tvímælalaust miklu
meira húsrýmis en nú er talin þörf á. 1 þessu sambandi má
geta þess, að ég hefi sett fram tillögur í háskólaráði um, að
ráðnir verði að Háskólanum ráðunautar stúdenta við hverja
deild, er hafi það hlutverk að veita leiðsögn um námsgreina-
val svo og í fræðilegum og persónulegum málefnum, að nokkru
leyti svipað því, er gerist við brezka háskóla.
Til viðbótar þessum hugmyndum, sem fela í sér verulega
styttingu náms í mörgum greinum, ber hins vegar að leggja
aukna rækt við skipulega framhaldskennslu fyrir kandídata,
sem hafa starfað nokkurn tíma úti í þjóðfélaginu, til upprifj-
unar og til kynningar á nýjum fræðilegum hugmyndum og
niðurstöðum og til endurþjálfunar. Slík námskeið þurfa, svo
sem sagt var, að verða skipulegur þáttur í hinni almennu starf-
semi háskóla, en ekki námskeið, sem haldin eru við og við.
Þörfin á þeim námskeiðum er ótviræð — enginn er fullnuma,
allir þurfa endurnýjunar á menntun sinni. Þessi námskeið virð-
ast hvarvetna í Evrópu vera á byrjunarstigi, en sá tími er
skammt undan, að háskólar hljóti að telja það meðal brýnna
verkefna að sinna þessum háttum, og á það ekki síður við um
Háskóla Islands en aðra háskóla. Þörfinni á vísindalega þjálf-
uðum mönnum hefir verið of lítill gaumur gefinn hér á landi
— það þarf t. d. að finna fær úrræði til að styrkja menn til
að Ijúka doktorsprófum og veita mönnum stuðning til að búa
sig undir að taka við störfum við Háskólann.
Eitt af þvi, sem er í sjónarfæri hvers háskóla, er það verk-
efni að stuðla að því að kynna almenningi fræðilegar nýjung-