Árbók Háskóla Íslands - 01.04.1967, Blaðsíða 48

46
Félagsstofnun stúdenta.
Undanfarin ár hafa farið fram miklar umræður um endur-
skipulagningu á stjórn á félagsstofnunum stúdenta, og hefir
Stúdentaráð haft forystu í því máli. Háskólinn bauð haustið
1966 forstjóra Félagsstofnunar stúdenta við Oslóar-háskóla,
cand. philol. Kristian Ottesen, og forstjóra háskólaforlagsins
í Osló, cand. jur. Tönnes Andenæs, að koma hingað til lands
til viðræðna um málið. Var m. a. stofnað til sérstaks fundar
með þeim og stúdentaráði o. fl. stúdentum. Voru þessar við-
ræður hinar gagnlegustu. Var siðan samið frumvarp til laga
um félagsstofnun stúdenta við Háskóla Islands, sem á að taka
að sér allsherjarstjórn á fyrirtækjum stúdenta og hafa forystu
um eflingu þeirra. Stjórnin skyldi skipuð þremur mönnum, er
Stúdentaráð tilnefnir, einum, er háskólaráð nefnir til, og ein-
um, tilnefndum af menntamálaráðherra. Háskólaráð féllst eftir
rækilegar umræður á meginstefnu frumvarpsins á fundi sínum
hinn 17. ágúst 1967. Nánar verður skýrt frá þessu máli í næstu
árbók.
Garðsstjórn.
Prófessor Bjarni Guðnason var kosinn í stjórn Stúdenta-
garðanna í stað próf. Magnúsar Þ. Torfasonar og til vara próf.
Hreinn Benediktsson. Kosningin gildi til 1. febr. 1968, enda
verði ekki gerð breyting á skipulagi stjórnar stúdentagarð-
anna fyrr.
Lánasjóður ísl. námsmanna.
Háskólaráð kaus á fundi 27. apríl 1967 í stjórn sjóðsins próf.
Jón Steffensen og próf. Þór Vilhjálmsson til vara.
Húsnæðismálanefnd.
Háskólaráð kaus þriggja manna nefnd hinn 19. desember 1966
til að rannsaka þörf á húsnæði vegna kennslu, rannsókna og
stjórnunar Háskólans svo og vegna þjónustu við starfsmenn,
auk húsnæðis fyrir bókasafn og lestrarsali. 1 nefndinni eiga
sæti: Rektor, próf. Árni Vilhjálmsson, próf Halldór Halldórs-