Árbók Háskóla Íslands - 01.04.1967, Blaðsíða 20
18
vissulega vill Háskóli Islands stuðla að því, að listaverk skreyti
sali hans. Þessi ágæta gjöf gerir kleift að stíga mikilvægt skref
í þessu skyni, sem vonandi verður hvöt til frekari átaka í því
efni. Flyt ég bankaráði Framkvæmdabankans þakkir fyrir
þessa miklu og merkilegu gjöf og minnist jafnframt fyrri stór-
gjafar bankans, sem gerði Háskólanum kleift að festa kaup
á tölvu.
Nýlega afhenti stjórn Aðalverktaka mér vegna Raunvísinda-
stofnunar Háskólans góða gjöf, 100.000 krónur. Er þess óskað,
að fé þessu verði varið til einstaks eða einstakra rannsóknar-
verkefna í Raunvísindastofnun samkvæmt því, sem háskólaráð
og stjórn stofnunarinnar mæla fyrir um. Þakka ég gefendum
fyrir þessa myndarlegu gjöf, sem kemur sér mjög vel fyrir
hina ungu stofnun og er til uppörvunar og viðurkenningar.
Tvær góðar gjafir hafa borizt nýlega til minningarsjóðs
Alexanders Jóhannessonar rektors. Eru þær frá Flugfélagi Is-
lands og Loftleiðum, og nema hvor um sig 30.000 krónum.
Flyt ég forráðamönnum flugfélaganna beggja alúðarþökk fyr-
ir gjafirnar, sem fela í sér viðurkenningu á mikilvægum störf-
um hins látna rektors í þágu flugmála landsins.
Háskólaráð hefir ákveðið að stofna sjóð við háskólann, er
beri heitið Háskólasjóður. Er hann stofnaður með framlagi
Prófgjaldasjóðs, að fjárhæð 100.000 krónur. Er sjóðnum ætlað
að styðja rannsóknarstörf innan Háskólans samkvæmt því,
sem nánar verður mælt fyrir um í skipulagsskrá. Legg ég
áherzlu á, að hér er um lífrænan sjóð að ræða, sem úthluta
má úr árlega nálega allri sjóðseign, ef þörf krefur. Er það von
Háskólans, að velunnarar Háskólans muni leggja fé af mörk-
um til þessa sjóðs, þar á meðal kandídatar, er minnast kandi-
dataafmæla sinna.
Stjórn sjóðsins Norðmannsgjafar hefir ákveðið að úthluta
ekki úr sjóðnum þetta ár, en hún hefir hugsað sér, að unnið
verði að tilteknu verkefni, sem kynni að krefjast framlaga úr
sjóðnum um nokkurt árabil.
Háskólasjóður Eimskipafélags Islands h/f hefir enn aukizt
að hlutafjáreign, og s.l. vor lagði sjóðurinn fram 25.000 krón-
i