Árbók Háskóla Íslands - 01.04.1967, Blaðsíða 18
16
síðar með aðstoðarmönnum. Eru nú liðin rösk 100 ár, síðan
Jón Hjaltalín brautskráði fyrsta nemanda sinn. Brautskráðust
alls 13 læknar frá skóla Jóns Hjaltalíns fram til þess, að lækna-
skóli var stofnaður 1876, en Jón Hjaltalín var, sem kunnugt er,
fyrsti forstöðumaður hans. Framtak landlæknisins og kennsla
hans er vissulega merkur og minnisverður þáttur í sögu aka-
demískrar fræðslu hér á landi.
VII.
Alls hafa fimmtán erlendir fyrirlesarar haldið fyrirlestra
hér við Háskólann á liðnu háskólaári, og eru þeir frá níu þjóð-
löndum. Er þá ekki meðtalinn fjöldi fyrirlesara á ráðstefnum,
sem haldnar hafa verið í Háskólanum. Um mörg undanfarin ár
hefir verið veitt talsverð fjárhæð af ríkisfé til heimboða fyrir-
lesara, og hafa þessi heimboð gegnt mikilvægu hlutverki. Fyrir-
lestrar hinna erlendu lærdómsmanna eru gildismikill þáttur í
starfsemi skólans, og þau mannlegu tengsl, sem skapast fyrir
þessar heimsóknir, eru þýðingarmikil.
Ég get þess með þökk, að Evrópuráð hefir nú í fyrsta skipti
styrkt Háskólann til þess að bjóða erlendum fræðimönnum
hingað til lands.
Ýmsir kennarar Háskólans hafa sótt fræðilegar ráðstefnur
erlendis eða dvalizt við erlenda háskóla.
Haldið hefir verið áfram þátttöku Háskólans í starfi nefnd-
ar Evrópuráðs um málefni háskóla og æðri menntunar og í
samstarfi norrænna læknadeilda um skipan kennslu, en frá
þeim málum hefir verið greint áður.
Próf. Sigurður Samúelsson var fulltrúi læknadeildar nú í
haust við hátíðahöld, sem fram fóru á vegum læknadeildar
Helsingforsháskóla til að minnast merks áfanga í lækna-
kennslu þar.
Rektor sótti norrænan rektorafund í Gautaborg í apríl 1966.
Voru þar til umræðu ýmis samstarfsmál norrænna háskóla og
önnur sameiginleg áhugamál. Þá sat forseti verkfræðideildar
þing rektora tækniháskóla á Norðurlöndum, sem haldinn var
í Þrándheimi í maí.