Árbók Háskóla Íslands - 01.01.1991, Blaðsíða 21

Ræður rektors Háskóla íslands
19
tvennt. Kandídatinn nýtur menntunar við
erlendan háskóla í 1-2 misseri og hann vinnur
að verkefni fyrir íslenskan aðila sem gæti
reynst báðum giftudrjúgt.
Meistaranámið mætti einnig byggja upp
með öðru sniði. í stað þess að auka sérhæf-
mguna og dýptina í fræðunum væri unnt að
auka breiddina í menntuninni með viðbót úr
öðrum greinum. Þannig gæti sumurn hentað
að taka slíkt samsett nám og tengja saman
tæknigreinar og viðskiptafræði, raungreinar
°g rekstrarfræði, viðskipti og tölvunarfræði,
markaðsmál ásamt tungumáli og menningar-
sögu o.s.frv. í haust hefst slíkt viðbótamám, en
það er nám í hagnýtri fjölmiðlafræði sem
viðbót við B.A.- eða B.S.-próf í hugvísindum,
félagsvísindum eða raunvísindum.
Endurmenntunarnefnd Háskólans hefur
einnig aukið framboðið og fjölbreytnina. Fyrir
skömmu hófst þriggja missera nám í
viðskiptafræðum þar sem boðið er upp á nám
með starfi, og var einungis unnt að taka inn
fjórðung umsækjenda, slíkur var áhuginn.
Vænta má að eftirspum eftir námi með starfi
tnuni aukast á næstu árum og verður þá að
bregðast við slíkum þörfum ef og þegar leitað
verður eftir þess háttar námi í öðmm greinum.
Eeita verður fleiri leiða til að afla nýrrar
þekkingar og fæmi fyrir íslenskt atvinnulíf.
Ein leið er sú að kandídat geri náms- og starfs-
samning við ákveðið fyrirtæki á þá lund að
kandídatinn fari utan til náms og starfsþjálf-
tmar hjá erlendu fyrirtæki þar sem hann fengi
þekkingu og þjálfun sem íslenska fyrirtækið
leitar eftir. Að starfsþjálfun lokinni væri kandí-
datinn skuldbundinn til að starfa hjá fyrr-
greindu fyrirtæki í t.d. 5 ár. Framhaldið færi
svo eftir aðstæðum og samkomulagi beggja
aðila.
Onnur leið væri sú að skapa fleiri „nýsköp-
unarhreiður þar sem kandídatar fengju tæki-
feri til að vinna að nýjum hugmyndum í þeim
tilgangi að stofna ný fyrirtæki eða þróa nýjan
atvinnurekstur. í slíkum rannsókna- og tækn-
'garði væri unnt að láta efnilegum kandídat í té
húsnæði og aðstöðu, t.d. til þriggja ára án
endurgjalds, og gæfist honum tækifæri til að
sannprófa hugmyndir sfnar, aðferðir eða afurð-
ir. Ef hugmyndin er góð og lífvænleg fer þessi
nýgræðingur úr nýsköpunarhreiðrinu og reynir
að spjara sig með öðmm hætti.
Efnahagsbandalagið leggur nú mikla
áherslu á að koma á samstarfí milli háskóla og
fyrirtækja um þjálfun sem tengist nýjungum
og notkun nýrrar tækni. Kannar bandalagið
hvar þörf er þjálfunar og leitar leiða til úrbóta.
Unnið er að þessu verkefni samkvæmt svo-
nefndri Comett-áætlun sem EFTA-löndum
hefur verið veitt aðild að. Comett-áætluninni
er ætlað að koma á samstarfi milli háskóla og
atvinnulífs um frumþjálfun og símenntun á
tækni- eða hátæknisviðum. Tekið er mið af
hinni hröðu tækniþróun sem nú á sér stað og
þörfum atvinnulífsins fyrir upplýsingar um
nýjustu tækni og hvemig henni verði beitt í
þágu hagvaxtar. Aætlunin skiptist í ýmsa þætti
og snýr einn þátturinn einkum að nemendum
og kandídötum. Nemendum á háskólastigi
verður veittur stuðningur til starfsþjálfunar hjá
iðnfyrirtækjum í öðrum löndum og er þjálfun-
artíminn 3-12 mánuðir. Þá er nýútskrifuðum
kandídötum veittur stuðningur til samsvarandi
þjálfunar og getur hún minnst varað 6 mánuði
en mest allt að tveimur árum. Einnig er starfs-
mönnum háskóla gert kleift að starfa í iðn-
fyrirtækjum í 2-12 mánuði og starfsfólki fyrir-
tækja á sama hátt gert kleift að koma til starfa
við háskóla. Með þessum hætti skapast tæki-
færi sem við eigum að gefa gaum og nýta
okkur. Aætlun þessi er ein af mörgum slíkum
sem spretta upp af vaxandi áhuga á einingu
Evrópu og auknurn samskiptum á sviðum
mennta og menningar, vísinda og viðskipta.
Mun Háskóli íslands einnig taka þátt í þessari
áætlun og er nú leitað eftir þátttöku úr íslensku
atvinnulífi. Þorsteinn Helgason prófessor
stjómar þessu verkefni fyrir hönd Háskólans.
Auk atvinnu- og menntamála verða um-
hverfismálin mikið til umfjöllunar á næstu
árum. Nýlega gerðu Evrópusamtök háskóla-
rektora áætlun um samvinnu á sviði um-
hverfismála og nefnist áætlun þessi Coper-
nicus. Markmiðið er aukin áhersla á um-