Árbók Háskóla Íslands - 01.01.1991, Blaðsíða 25

Ræður rektors Háskóla íslands
23
þótt hann starfaði aldrei við skólann. Hann var
meðal frumkvöðla í notkun tölva hér á landi
og hann var í nefnd þeirri sem gerði tillögur
um eflingu raunvísinda við Háskólann 1961
en þær leiddu síðar til stofnunar Raunvísinda-
stofnunar Háskólans. Var hann einnig leið-
beinandi fjölmargra íslenskra námsmanna um
framhaldsnám og fræðilegur bakhjarl þeirra.
Heimili Gunnars og Tove konu hans stóð
námsmönnum opið, og margir starfsmanna
Háskóla Islands hafa notið greiðvikni þeirra í
rannsóknaleyfum.
Gunnar Böðvarsson var kjörinn heiðurs-
doktor við Raunvísindadeild Háskóla fslands
1988. Hann lést 9. maí 1989. Færi ég frú Tove
Böðvarsson og fjölskyldu hennar þakkir
Háskóla íslands fyrir þessa mikilvægu gjöf.
Þá vil ég geta veglegrar bókagjafar frá
Blackwell-útgáfunni í Oxford. Gjöfin var veitt
1 tilefni af heimsókn forseta fslands, frú
Vigdísar Finnbogadóttur, til Oxford árið 1982
°g bárust fyrstu ritin árið eftir og þau síðustu
nú í júní. Forgöngu að gjöf þessari hafði Per
Saugman, forstjóri Blackwell-útgáfunnar. Há-
skólabókasafn hefur á þessum árum tekið á
móti um 3000 bindum bóka og tímaritsár-
ganga frá Blackwell-útgáfunni, rit sem koma
munu að gagni við kennslu og rannsóknir í
Háskóla íslands. Færi ég Per Saugmann og
forseta fslands okkar bestu þakkir fyrir
ntikilfenglegan stuðning.
Eitt þeirra verkefna sem unnið hefur verið að á
liðnum misserum er að efla stjómsýslu Háskól-
ans og þjónustu hennar, bæði innan Háskólans
°g utan. A Alþingi nú í vor var lögum um
Háskóla íslands breytt í þá veru að staðfesta þá
þróun sem orðið hefur með auknum kröfum til
stjómsýslu Háskólans. Þakka ég menntamála-
raðherra, Svavari Gestssyni, fyrir stuðning hans
°g skilning á nauðsyn þess að efla en einfalda
stjómsýsluna. Stefnt er að virkari stjómsýslu,
stuttum og skýmm boðleiðum. Kennarar em
virkir í stefnumótun og stjómun hinna ýmsu
málaflokka og hefur sú tilhögun gefið mjög
góða raun. Lögð er jafnframt áhersla á að efla
námsráðgjöf og þjónustu við nemendur.
Til að mæta þeirri hröðu þróun sem orðið
hefur á alþjóða-vettvangi hefur Háskóli ís-
lands sett upp sérstaka alþjóðaskrifstofu. Hlut-
verk þessarar alþjóðaskrifstofu er að annast og
efla samskipti við erlenda háskóla, m.a. með
gerð formlegra samninga um samstarf og um
nemenda- og kennaraskipti. Tugir slíkra samn-
inga hafa verið gerðir á síðustu árum við
háskóla í Vestur-Evrópu og Norður-Ameríku.
Markmiðið með slíkum samningum er að
tryggja aðgang Islendinga að góðum háskólum
erlendis. Um þessar mundir eru á þriðja þús-
und nemendur við nám erlendis, þar af um
40% á Norðurlöndum, 30% í öðrum löndum
Evrópu og 30% í Norður-Ameríku. Ekki
virðist hætta á að það verði torveldara fyrir
íslenska nemendur að stunda nám við erlenda
háskóla en verið hefur.
Kynningarstarfsemi Háskólans hefur verið
öflug. í vetur var lokið við að gera kynningar-
myndir um allar deildir Háskólans og nokkrar
námsbrautir. Kynningarmyndir þessar voru
sýndar í sjónvarpi á Stöð 2, sem jafnframt tók
þátt í kostnaði við gerð myndanna, og þakka
ég Stöð 2 fyrir gott samstarf. Eintök af þessum
sjónvarpsmyndböndum verða send framhalds-
skólum til notkunar þar. Opið hús var haldið í
samvinnu við aðra skóla á háskólastigi og í
samvinnu við marga sérskóla. Kynning þessi
fór fram í ófullgerðri Þjóðarbókhlöðunni og
var þetta einnig kynning á bókhlöðunni.
Bæði sjónvarpsþættimir og Opið hús hafa
þann tilgang að kynna fyrir framhaldsskóla-
nemum og foreldrum þeirra, og einnig fyrir
öðrum þeim sem áhuga hafa, hvaða tækifæri
bjóðast nú til menntunar við Háskóla íslands,
hvaða undirbúningur hentar, hvemig kennslu-
starfið fer fram og hvað gæti tekið við að námi
loknu. Leitast er við að bæta og auka þjónust-
una á þessu sem öðmm sviðum.
Ágætu kandídatar. í dag fögnum við með
ykkur og fjölskyldum ykkar þeim mikilvæga
áfanga sem þið hafið náð með háskólaprófinu.
Háskóli íslands hefur veitt ykkur breiðan og
traustan gmnn til að byggja á, því að menntun
ykkar mun halda áfram með ýmsum hætti.