Dvöl - 01.04.1938, Page 35

D V ö L
113
Magnús Ásgeirsson:
Þrjú þýdd kvæði
Aftansöngur
(Hjalmar Qullberg)
Á heim vorn hnígur kyrrðin.
Tóm hangir barnsins róla.
Nú hljóðna hetjuyrðin,
sem hjaðni bóla.
Af kjarna skelin klofnar.
Á kæti fellur J>ögn.
Á kvenvör dofnar
hver dægursögn.
Hann, sem á löginn, löndin,
með lífi, er anda dregur,
ber hátt við ský, og höndin
vort hnattkorn vegur.
Hans skikkju leikur ljómi um
af leifturstjarna glóð.
En á hans gómum
er gróm og blóð.....
Stálbænir
(Carl Sandburg)
Legg mig á steðja, ó, sterki Guð.
Slá mig harðlega og hamra úr mér járnkarl.
Lát mig rjúfa gamla, gróna veggi.
Lát mig losa og hefja forna hornsteina.