Hlín - 01.01.1957, Page 12

10
Hlin
matseld, vandað uppeldi barnanna, trúrækni, ábyrgðartil-
íinning, gætni og góðvild ætti að vera til staðar á hverju
heimili, en til þess að svo megi verða þar£ heimilisfólkið,
og þá sjerstaklega hjónin, að vera samhent og samtaka.
hað er ómetanlegt, að þau áhrif, sem utan að berast, t.
d. blöðin — og segjum sjerstaklega blað konunnar, sem
auðvitað er lesið a£ öllu heimilisfólkinu, — leiðbeini, örvi
til dáða, byggi upp með lesendum sínum, bendi á hið sí-
gilda, sem engri kynslóð er fært að ganga fram hjá sjer að
skaðlausu, — sje með öðrum orðum drjúg hjálp í ýmsum
vanda hversdagsins.
2) Kvennablað mætti gjarnan líta á það sem hlutverk
sitt að gera ungu stúlkunum ljóst, að þó að þeirra bíði
flestra störf innan heimilanna, og þau störf sjeu einhver
hin mikilvægustu, sem int eru af hendi í þjóðfjelaginu,
og því beri þau vel að virða, — þá er það mikils virði
hverri konu að hafa í bakhöndinni mentun og kunnáttu
á einhverju sviði, svo þær viti, að þær eru einfærar um að
sjá sjer og sínum farborða, hvernig sem lífið kann að snúa
við þeim. — Slíkt eykur sjálfstraust og gefur öryggistil-
finningu. — Æskuárunum er trauðla betur varið en til að
afla sjer slíkrar aðstöðu, og nú á tímum er engri konu
vorkunn að gera slíkt, þar sem segja má, að þeim sje orð-
inn allgreiður gangur inn í hvern þann starfsvettvang,
sem best fellur að gáfum og skapgerð.
3) Kvennablað mætti gjarnan beita áhrifum sínum í þá
átt að leiðrjetta misskilning og vanmat, sem oft vill
brydda á í sambandi við störf kvenna, og jeg held ekki
hvað síst gagnvart heimilisstörfunum.
Jeg minnist þess t. d. eitt sinn, er jeg var stödd í fjöl-
mennu kvennahófi, að velmetin kona, — nú látin, — las
upp skýrslu um það, hversu margar vinnustundir færu í
uppþvott á heimilum, — og ljet um leið í það skína, hve
óskaplega þeim stundum væri illa varið.
Þetta fanst mjer koma úr hörðustu átt og vera mikill
misskilningur. — Hin daglegu störf heimilanna eru ákaf-