Valsblaðið - 01.05.1999, Side 47

Ettir Þongním Þráinsson
Hver er Valsmaðurinn?
Ómar Sigurðsson hefur verið einu
tryggasti stuðuings- og stjórnarmaður
Vals í gegnum tíðiua. Hauu kallar ekki
allt ömmu sína í félagsmálum og vill
m.a. endurvekja Alvörumenn
Einn af heitustu og dyggustu stuðnings-
mönnum Vals í gegnum tíðina er Omar
Sigurðsson. Omar nýtur mikillar virðing-
ar meðal Valsmanna enda einn af þeim
sem brettir upp ermamar þegar þess er
þörf og lætur verkin tala. Hann hefur
gegnt fjölmörgum störfum fyrir Val en
ætíð verið mest viðloðandi handboltann.
Ómar Sigurðsson er „Valsmaðurinn" að
þessu sinni en Sigurbjörg Eiríksdóttir,
eiginkona hans, gæti allt eins hafa orðið
fyrir valinu. Þau hjónin eiga einn son,
Ómar að nafni, sem lék með yngri flokk-
um Vals í handbolta en spilar nú með
Fjölni í Grafarvogi.
Ómar Sigurðsson er fæddur á Loka-
stígnum og fór í fyrsta skipti á leik að
Hlíðarenda árið 1955 með Gunnari Sig-
urjónssyni sem var giftur móðursystur
Ómars og spilaði með meistaraflokki Vals
í knattspymu. Gunnar innritaði Ómar
strax í Val, 7 ára gamlan, og upp frá því
var drengurinn á Valssvæðinu öllum
stundum. „Ég æfði fótbolta og man vel
eftir Murdo þjálfara, Gunnari Gunnars-
syni og síðast en ekki síst Ama Njáls-
syni. Ég hafði mikið dálæti á Ama. Eg
spilaði töluvert með Hermanni Gunnars-
syni þótt hann væri ári eldri en ég og
fleiri góðum köppum. Ég var aldrei ann-
að en meðalskussi og hætti áður en ég
var gjaldgengur í meistaraflokk. Þegar
ég var 15 ára gamall fékk Jón Kristjáns-
son, fyrsti formaður handknattleiksdeild-
ar Vals, mig til að sjá um sölutjald fyrir
Val á 17. júní. Þar með hófust mín fé-
lagsstörf fyrir Val og ég kom aðeins ná-
lægt byggingu íþróttahússins. Þegar ég
var orðinn stjómarmaður í Val leitaði ég
oft til Jóns með ýmis mál. Hann var ein-
stakur maður.“
Ómar flutti til Neskaupsstaðar 24 ára
gamall og bjó þar í 15 ár. Hann rifjar upp
eftirminnilegan leik sem Valur lék gegn
Þrótti í Neskaupstað á þessum árum.
'ðarundrjð ...
^viöundri!
Ómar á sitt heilaga sœti á pöllunum. Fyrir ofan hann eru Friðjón Friðjónsson (tv),
Helgi Jónsson og Guðni Haraldsson. Jóhannes bakari situr til hœgri handar Ómars en
Hilmar Böðvarsson vinstra megin við hann.
„Valur dróst á móti Þrótti í bikarkeppn-
inni í kringum 1977 en þá var Þróttur
langefstur í 3. deild og hafði unnið alla
sína leiki með miklum yfirburðum. Dag-
inn fyrir leikinn kom flennifyrirsögn í
Morgunblaðinu; „Tekst Austfjarðamndr-
inu að sigra Val.“ Valur vann leikinn 15-
0 en skoraði reyndar 19 mörk í leiknum.
Fjögur voru dæmd af. Daginn eftir leik-
inn stóð í Mogganum; „Austfjarðarund-
rið varð að viðundri.“ Ég naut mín vel á
Neskaupstað eftir leikinn enda eini Vals-
maðurinn á svæðinu."
Eftir að Ómar flutti til Reykjavíkur
aftur, um fertugt, keypti hann bílaþvotta-
stöð sem hann rak í 10 ár. Núna eiga þau
hjónin sólbaðsstofu. Hann byrjaði strax að
vinna fyrir Val og sat m.a. í stjórn hand-
knattleiksdeildar 1990 til 1994. Næstu
tvö kjörtímabil var hann í aðalstjórn
Vals. Ómar var í Herrakvöldsnefnd í 11
ár og fullyrðir að Herrakvöldið í nóvem-
ber sl. hafi án efa verið það síðasta sem
hann myndi annast. „Ég var lengi í
nefndinni með Grími Sæmundsen, Jafet
Ólafssyni og Stefáni Gunnarssyni og við
lukum í raun störfum í fyrra. En þar sem
erfitt reyndist að manna nefndina gaf ég
kost á mér í eitt ár til viðbótar."
Ómar lét sig ekki vanta þegar Valur
lagði KA að Hlíðarenda, tveimur klukku-
tímum eftir stofnfund Valsmanna hf.
Hvaða ár er eftirminnilegast
í handboltanum?
„Það er án efa keppnistímabilið 1992-
’93. Þá unnum við titla í öllum yngri
flokkum og vorum langsigursælasta lið á
Islandi þennan vetur. Meistaraflokkur
karla vann til allra titla sem voru í boði
og stelpumar urðu bikarmeistarar. Meist-
araflokkur kvenna hafði ekki unnið titil í
10 ár en með samstilltu átaki var blaðinu
snúið við. Það er ógleymanleg stund þeg-
ar stelpumar mættu heim til okkar hjóna
með forláta vasa og afhentu okkur sem
þakklætisvott fyrir starfið á tímabilinu.
Valsblaöið 1999
47