Búnaðarrit - 01.01.1975, Page 100
72
BÚNAÐARRIT
og hafði t. d. veruleg áhrif á samdrátt í sölu prestafífla
(chrysanthemum), og urðu þar veruleg afföll á tímabili.
Innflutningur blóma mun hafa verið svipaður og á
undanförnum árum, en enn sem fyrr er innflutningur
næsta tilviljanakenndur, enda á mörgum höndum og þá
oft gætt meira stundarhagnaðar einstakra aðila en raun-
verulegra þarfa. Verður ekki séð, að þessi mál verði
leyst á annan hátt en að innflutningur blóma verði á einni
hendi og í nánum tengslum við þá, sem hagsmuna eiga
að gæta.
Sala innlendra aldina og grænmetis gekk vel, og varð
fjárhagsleg útkoma yfirleitt góð, þótt uppskerumagn
væri ekki mikið. Útirækt gekk vel, vorið var milt og
hægt að vinna garða og planta út með fyrra móti, og
hret kom ekki, og engar skemmdir urðu á útiræktuðu
grænmeti á liðnu liausti, eins og oft vill verða. Mun mega
telja þetta sumar með þeim betri í þessari grein.
Nokkuð magn af tómötum, gúrkum, salati, steinselju
og sveppum auk annarra tegunda, er minna gætti, var flutt
inn á árinu, en þess gætt, að þessi innflutningur sakaði
ekki innlenda framleiðslu og væri aðeins á þeim tírna,
er raunveruleg þö:f var fyrir liendi. Þessi innflutningur
var á hendi S. F. G.
Ég var sem á fyrra ári í stjórn IV. deihlar N. J. F.
(Nordiske Jordbruksforskeres Forening) og sótti tvo
deildarfundi í Noregi, m. a. vegna undirbúnings ráðstefnu
N. J.F. hér á landi árið 1975. Ennfremur starfaði ég
sem fyrr í nefnd, sem vinnur að rannsóknum á kálæxli á
Norðurlöndum, og sá um tilraunir hér á landi, þar sem
að undirlagi nefndarinnar voru reynd ýmis afbrigði, sem
hafa verulegt eða algjört ónæmi gegn ýmsum stofnum
kálæxlis. Var þetta mjög fróðleg og athyglisverð tilraun
með tilliti til könnunar á því, hvaða stofn kálæxlis er að
finna hér, en því miður voru þau afbrigði, sem völ var
á, of seinvaxin fyrir okkar aðstæður, en hins vegar ástæða