Búnaðarrit - 01.01.1990, Qupperneq 26

Af fundum og námskeiðum, sem ég hef tekið þátt í á árinu, vil ég nefna
hinn árlega ráðunautafund Búnaðarfélagsins og Rala, sem haldinn var 6,-
10. febrúar. Þar ræddi ég um framkvæmd jarðræktarlaga. Þá sótti ég
samræðufund (seminar), sem Norræna búvísindafélagið (NJF) hélt hér f
Reykjavík um ráðgjöf í þróun landsbyggðar og bændaskóla í forystuhlut-
verki í þróuninni. Eg sótti námskeið um votheysgerð í rúlluböggum, sem
haldið var að Hvanneyri 16.-17. nóvember. Ogað lokum vil éggeta þess, að
ég sótti tvö námskeið, sem Búnaðarfélagið hélt til að kynna ráðunautum
sínum ýmsa þá möguleika, sem tölvur hafa upp á að bjóða. Annað var í
janúar en hitt í desember og stóðu í 1-2 daga hvort.
Frakkhmdsferð. I febrúar fór ég ásamt Þórarni Þórarinssyni, bónda á
Hlíðarfæti í Leirársveit, til Frakklands til að skoða skurðhreinsivél, eins
konar skurðfræsara, sem Þórarinn var að velta fyrir sér að kaupa. Tæki
þetta er tunna eða kúla, sem fest er á gálga venjulegrar skurðgröfu, þannig
að auðvelt er að koma henni niður í skurði, sem á að hreinsa, og síðan er
vökvamótor, sem snýr tunnunni á miklum hraða. Á ytra borði er tunnan
alsett göddum eða spöðum, sem spæna gróður og jarðveg úr bökkum og
botni skurðarins og þeyta því upp á bakkann og eina 25-30 m út frá
skurðinum. Skurðgrafan ekur á öðrum bakka skurðarins, en tækið þeytir
því sem hreinsast úr honum yfir á hinn bakkann. Afköst tækisins eru mikil,
en fara eftir ökuhraða gröfunnar, sem þarf að stilla eftir því hversu mikið
þarf að hreinsa úr skurðinum. Þar sem mikið þarf að hreinsa upp úr skurði
er ekið hægt svo að tunnan hafi tíma til að grafa sig niður í botninn, en þar
sem lítið er til fyrirstöðu er grafan keyrð á fullum hraða. Steinar og
aðskotahlutir í skurðinum þeytast líka upp úr honum og valda ekki
skemmdum á tækinu, en séu steinarnir fastireða svo stórir að vélin hreyfi þá
ekki gerist annað hvort að hún lyftist yfir þá eða tengist frá. Einn stærsti
kostur vélarinnar sýnist mér vera sá, að ekki er nauðsynlegt að jafna úr því
sem upp úr skurðum kemur með jarðýtu, ef þokkalegur halli er á landinu
fyrir. Eitt til tvö tæki gætu afkastað öllum skurðhreinsunum á landinu
miðað við það, sem unnið hefur verið árlega hér á landi til þessa.
Með góðri skipulagningu verkefna og nægum verkefnum fyrir tækið ætti
kostnaður við skurðhreinsun að verða mun lægri en nú er, þótt ekki væri
unnið nema hluta ársins.
Annað. Af öðrum verkefnum vil ég nefna að ég er í útgáfustjórn Freys, á
sæti í ritnefnd að myndbandi um grasrækt, sem Ræktunarfélag Noröurlands
lætur gera, og á einnig sæti í Tilraunaráði Rala og Sáðvörunefnd.
Eg þakka samstarfsfólki og öllum, sem ég hef átt samskipti viö á árinu,
ánægjulega samvinnu.
í janúar 1990.
Óttar Geirsson
24