Morgunn - 01.06.1949, Qupperneq 12

6
MORGUNN
ar H. Kvaran var að vona, þegar hann flutti fyrsta ávarp-
ið á stofnfundinum í Iðnó. Málefni vort hefir átt svo mikið
undir því að frjálslyndið væri virt, að vér hljótum jafnan
að skipa oss í fylkingarbrjóst þeirra, sem halda vilja uppí
merki frjálsrar hugsunar í andlegum málum með þjóð
vorri.
Það yrði of langt mál, enda yður kunnugt, að telja upP
þá, sem mest hafa fyrir málið unnið innan félagsins, komið
þar opinberlega fram og gegnt trúnaðarstörfum. Vér er-
um þakklát þeim öllum, lífs og liðnum. En mig langar þá
einnig til að minnast hinna, sem í kyrrþey hafa starfað á
ýmsan hátt, og ekki sízt þeirra, sem frábæra trúfesti hafa
sýnt félaginu frá byrjun, hafa sótt flesta félagsfundina
um 30 ára skeið og unnið málinu gagn á margan hátt,
þótt í kyrrþey væri. Langar mig þar sérstaklega til að
þakka konunum mörgum trúfesti þeirra við málið og árna
hinni ungu en sterku kvennadeild félagsins allrar bless-
unar.
Á áttunda fundi félagsins, 23. okt. 1919, skýrði forsetinn
félagsmönnum frá því, að nokkurir menn hefðu bundizf
samtökum um að stofna til tímarits, er bera skyldi nafnið
MORGUNN, og vera málgagn Sálarrannsóknafélags ÍS'
lands, „gefið út að tilhlutun þess“. Fyrsta heftið kom út
fyrri hluta árs 1920. Þótt útgáfa ritsins væri ekki bein-
iínis á vegum félagsins að öðru en því, að það studdi út-
gáfuna með árlegum fjárframlögum lengi vel, þangað til
félagið tók að öllu leyti við útgáfunni eftir andlát Einars
H. Kvarans, hefir útgáfa MORGUNS frá öndverðu verið
eitt höfuðverkefni félagsins, og ekki verður annað sagt en
að á þeim vettvangi sé búið að vinna mikið verk. MORG'
UNN hefir nú komið út í 29 ár, og hefir hann flutt þjóð'
inni geysimikla fræðslu um málefni sálarrannsóknanna a
h. u. b. 7000 blaðsíðum. Lengi vel blés ekki byrlega,
hvað eftir annað lá við sjálft, að tímaritið yrði að hætta
að koma út. En þrautseigja ritstjórans, E. H. Kv., bilað1
ekki, og vitanlega er það fyrst og fremst afburðahæfileik'