Morgunn - 01.06.1949, Síða 25
MORGUNN
19
Með þeirri von og ósk og bæn bið ég yður öll að rísa úr
sætum og votta próf Haraldi Níelssyni virðingu yðar og
einlæga þökk.
tír sögu frumherjanna.
John Worth Edmonds
var einn hinn fyrsti þjóðkunnra manna í Bandaríkjunum,
sem fram kom á orustuvöllinn til þess að þerjast opin-
berlega fyrir spíritismanum. Hann var fæddur árið 1816 og
andaðist árið 1874. Embættisferill hans var með afburðum
glæsilegur. Um skeið var hann forseti efri deildar í þingi
Bandaríkjanna, og dómari var hann í hæsta réttinum í
New York. En vegna ákafra árása, sem gerðar voru á
hann, þegar hann lýsti opinberlega yfir sannfæringu sinni
sem spíritisti, sagði hann af sér dómaraembætti sínu.
Þetta var snemma á árum hinnar ungu hreyfingar, þekk-
ingarleysið og hleypidómarnir í alveldi.
Tæpum þrem árum eftir að þeir atburðir urðu, sem
hrundu spíritismanum af stað, fór hinn kunni dómari og
þingforseti að gefa málinu gaum, og hálfu öðru ári síðar
gaf hann opinberlega út skýrslur um athuganir sínar og
miðlatilraunir. Blöðin voru full af fjandskap gegn málinu,
en þá taldi hinn samvizkusami dómari sér ekki lengur
til setu boðið, hann vildi ekki þegja, en lýsti opinberlega
yfir fullum stuðningi sínum við málið og sagði frá, af
hverjum rökum hann hefði sannfærzt um sannleiksgildi
hinnar nýju hreyfingar. Vinir hans lögðu að honum að
gera þetta ekki. Þeim var Ijóst, hvað þetta skref mundi
kosta hann. En hann vildi ekki hika, hann fórnaði hinu
háa embætti sínu í hæstaréttinum. Yfirlýsing hans vakti
geysilega athygli því að hér var um þjóðfrægan mann og
fyrirlitið málefni að ræða, og hann varð fyrir svæsnum