Morgunn - 01.06.1949, Síða 66

Lögmál afturgöngunnar.
Eftir Sir A. Conan Doyle.
Það er áreiðanlegt, að um nokkrar næstu aldir munu
menn leggja á það mikla stund, að rannsaka þau lögmál,
sem ráða sálrænum fyrirbærum. Og þessar rannsóknir
hafa það, til allrar hamingju, til sins ágætis, að það er
hægt að halda áfram að reka þær hinu megin við fortjald
dauðans ekki síður, nema fremur sé, en hérna megin þess.
Nú þegar liggur fyrir efniviður til rannsókna fyrir hundruð
rannsóknamanna. Hinar óteljandi frásagnir, sem fyrir
hendi eru í ýmsum myndum, dreifðar um blöðin, tímaritin,
skýrslur vísindalegra félaga, eða varðveittar munnlega í
fjölskyldunum, þar sem fyrirbrigðin hafa gerzt, eru eins
og málmgrýti, sem búið er að grafa upp úr jörðinni, og
bíður þess, að hinn hreini málmur verði skilinn frá ónýtum
þær niður, skoða þær vandlega í ljósi vaxandi sálrænnar
þekkingar, og gera síðan tilraun til að finna lögmálin,
sem liggja til grundvallar þessum fyrirbrigðum, svo að
vér stöndum endanlega á föstum grundvelli með þetta og
getum óhikað byggt á einhverjum ótvíræðum og viður-
kenndum lögmálum.
1 fyrsta lagi þurfum vér nauðsynlega að hafa áreið-
anleg fyrirbrigði til þess að byggja rannsóknirnar á. í
öðru lagi þurfum vér að gera nákvæman samanburð á
þessum áreiðanlegu fyrirbrigðum, til þess að finna hvað
sameiginlegt kann að vera með þeim, ganga ekki fram
hjá neinu og fylgja staðreyndunum hiklaust, hvert sem