Morgunn - 01.12.1962, Blaðsíða 19

MORGUNN
105
kom þangað á stórum flutningabíl og fór líka í rauðum
b.íl, sumt af leiðinni.
— Er hún lifandi?
— Ég veit það ekki. En þér fréttið nákvæmlega af
henni innan viku.
Sex dögum seinna kom unga stúlkan öllum á óvart
heim til föður síns. Þegar hún straulc sagðist hún hafa
hlaupið yfir grasi gróna sléttuna að ánni yfir brúna og
síðan eftir þjóðveginum. Þar tóku tveir hermenn hana
upp í bíl og síðan komst hún með gömlum hjónum á
flutningabíl alla leið til Texas við Mexicoflóann. Og þar
var hún við hátíðahöld, þar sem mikið var um skemmti-
siglingar sama daginn og faðir hennar talaði við Croiset.
í skjalasafni próf. Tenhaeffs segir meðal annars frá
því 5. des. 1946 var ráðizt á unga stúlku seint um kvöld
nálægt borg einni í Hollandi. Fanturinn réðist að henni
með hamri, en henni tókst að snúa hann úr höndum hans
og stökkva honum á flótta. Sjálf var hún flutt á sjúkra-
hús. Lögreglan leitaði til Tenhaeffs og hann fór þegar
á lögreglustöðina ásamt Croiset. Croiset tók við hamr-
inum hélt á honum litla stund og segir síðan:
Þetta er hár maður og dökkur yfirlitum, um þrítugt,
Og vinstra eyra hans er vanskapað. Hann á ekki hamar-
inn en hefur fengið hann hjá kunningja sínum, manni
um hálf sextugt, sem á heima í litlu hvítu einbýlishúsi
hér skammt frá, þar eru 3 hús í röð og öll eins.
Lögreglan hafði upp á þrjótnum nokkru seinna í sam-
bandi við aðra glæpaárás. Vanskapað eyrað sagði til sín.
Hann varð að játa á sig fyrri árásina líka. Og allt stóð
heima um hvítu húsin þrjú og kunningja hans þar er
lánað hafði hamarinn.
Croiset er einnig forspár eða forskyggn. í því sam-
bandi hafa hinar svonefndu stólatilraunir, vakið mikla
athygli. Hefur próf. Tenhaeff sýnt þær mörgum vísinda-
mönnum frá ýmsum löndum. Þær eru í því fólgnar að