Morgunn - 01.12.1962, Síða 26

112
MORGUNN
ana fyrir tilveru æðri heima. Vér verðum að læra að
skoða hinar undursamlegu staðreyndir í lífi Jesú í nýju
Ijósi. Parapsychologían opnar oss möguleika þess“.
Þá kemur próf. Hohenwarter næst í grein sinni með
uppástungu um það, að myndað sé rómv. kaþólskt félag
presta, lækna og sálfræðinga til þess að reka slíkar rann-
sóknir. Og hann lýkur máli sínu með því að tilfæra um-
mæli P. Bielmairs, ritstjóra tímaritsins Okkultismus und
Seeisorge (Dulfræði og sálgæzla):
,,Það er enginn efi á því lengur, að í framtíðinni mun
sannvísindaleg rannsókn hins dularfulla hafa hina mestu
þýðingu. Þessvegna ætti sérhver sálusorgari að hafa op-
inn hug við þessu máli“.
Úr ýmsum áttum hlaut málaleitan próf. Hohenwarters
ágætar undirtektir, og þegar á næsta ári var stofnað
í Miinchen félag til parapsychologískra rannsókna og at-
hugana. Félagar eru kaþolskir kirkjumenn og leikmenn.
Við hlið félagsins og til stuðnings því um margskonar
efni er vísindaráð 40 háskólakennara, guðfræðinga,
lækna, sálsýkifræðinga, eðlisfræðinga og heimspekinga.
Hlutverk félagsins er að rannsaka og meta gildi þeirra
fyrirbrigða, sem sálarrannsóknirnar og parapsychologían
hafa staðfest og fengizt við, og að finna niðurstöðunum
stað í kenningum kaþólsku kirkjunnar.
Um sama leyti og félag þetta var stofnað gaf Pius
páfi hinn 12. út þessa yfirlýsingu: „Trúin óttast ekki
skynsemina og kennisetningarnar óttast ekki vísinda-
lega rannsókn. Þvert á móti er kirkjan vinur og verj-
andi alls sannleika og leggur ekki fjötra á frelsi þeirra,
sem af hreinum hvötum leitast við að varpa ljósi á leynd
sannindi hinna huldu hliða tilverunnar. Kirkjan styður
slíkar framfarir og er ævinlega reiðubúin til þess að
notfæra sér niðurstöður þeirra“.
Á allra síðustu árum hefir þrásinnis verið skrifað um
j