Morgunn - 01.12.1962, Síða 35

MORGUNN
121
það, að hlutlaus rannsókn dómbærra manns myndi af-
hjúpa auðvirðilegar blekkingar einar og svik.
Sá maðurinn, sem langsamlega mest hvíldi á á þess-
um árum, var miðillinn Daníel Dunglas Home. Sakir
ættgöfgi sinnar og frábærrar siðfágunar — en hann
var af gamalli skozkri aðalsætt, stóðu honum opnar
dyr hjá fyrirfólki og mörgum þjóðhöfðingjum aldar-
innar, og sumir ágætustu vísindamenn þeirra tíma rann-
sökuðu miðilsgáfur hans, en hjá honum birtust með
óvenjulegum þroska, svo að segja allar miðilsgáfur,
sem fyrr eða síðar eru kunnar. Ævisaga þessa fágæta
manns, sem í íslenzkri þýðingu hefir komið fyrir ekki
allmörgum árum, er minningu hans því miður ekki fýlli-
lega samboðin. Svo frábærlega hreinum höndum fór
Home um gáfu sína, að svik urðu aldrei á hann borin,
meðan svikabrigzlyrðum rigndi yfir aðra miðla. Hojne
var hvorttveggja í senn, mikilhæfasti miðill í sögu sálar-
rannsóknanna, og einhver elskuverðasti persóunleiki
þeirra allra.
Hann andaðist úr lungnatæringu á bezta aldri, en
ágætustu menn og hæfustu höfðu rannsakað fyrirbrigði
hans og af ævistarfi hans hlaut spíritisminn meri út-
breiðslu en fyrir starf nokkurs eins miðils annars.
Kaflinn sem þá fer á eftir, er helgaður Madame
d'Esperance og ævistarfi hennar, miðilsstarfi, sem varð
mjög áhrifamikið. Frá ævi sinni segir hún í hinni ágætu
sjálfsævisögu, Shadow Land: Skuggalandið. Frá bam-
æsku var hún búin sterkum sálrænum gáfum, og móðir
hennar óttaðist, að þetta fallega og yndislega barn væri
geðveikt. Madame d'Esperance var hvorttveggja í senn,
mannkostakona og miðill með afbrigðum. Hún ferðaðist
land úr landi og hélt miðilsstarfi áfram lengi með fá-
gætum árangri. Hjá henni gerðust bæði hugræn og lík-
amleg fyrirbrigði, og tíðum var sannanagildi þeirra fyr-
ir framhaldslífi sálarinnar mikið og sterkt. En hún