Morgunn - 01.06.1972, Page 41

FRAMLÍFSDRAUMAR MANNSINS
39
efnum, og halda svo að maður hafi fundið allan sannleikann,
og að leitinni sé þannig lokið og engu frekara við að bæta.
Hættan er hjá leitandanum sjálfum; ekki í fyrirbærunum.
Miðilsfyrirbærin og miðilshæfileikinn eru dásamlegar Guðs
gjafir, og þau hafa leitt kynslóðir vorra tíma inn á nýjar og
bjartari brautir. — Fyrir þessar gáfur, sem eru að ofan, hefur
oss verið opnuð sýn inn á æðri lífssvið, sem fáa hefði grunað
að yrðu opinberuð oss dauðlegum mönnum í dimmum og
hrjáðum heimi, með svo áþreifanlegu móti. — Að vísu höfðu
mikilmenni andans eins og spámenn ýmissa alda og meistarar
Austurlanda skynjað stórbrotinn veruleika handan hinnar
miklu hulu, í vitrunum og opinberunum. Slikt var hinum
óbrotna hversdagslega manni, hinsvegar, ekki eins opið og nú
hefur orðið, þegar t. d., fyrir milligöngu skrifmiðla er hægt að
lesa um stórbrotnar opinberanir frá æðri tilverusviðum, þar
sem lífinu liandan grafar er beinlínis lýst mjög ljóslega og náið.
1 mörgum skriflegum frásögnum, sem ritaðar eru ósjálfrátt
af skrifmiðlum, er lýst með djúpstæðum hætti hinum heim-
spekilegu viðhorfum lífsins, sköpun þess og lögmálum, og því
hvert það stefnir. Er beinlínis brugðið upp svipmyndum af því
hvert sé upphaf og endir veraldar í órafjarlægðum fortíðar og
framtíðar, hver sé samsetning mannsins og dýra og jurta, and-
lega og efnislega. Þessar svipmyndir og frásagnir, sem lesa má
frá ýmsum löndum og tímum, þar sem ekkert samband er á
milli, eru svo sláandi líkar og ber svo undarlega saman, að hver
sem hefur liina andlegu sýn eða skyggni innsæisins til að sjá,
getur ekki annað en skynjað sannleiksblæinn, sem þessar frá-
sagnir anda til hans í gegnum hið ritaða orð. Og hverjum
hugsandi manni liljóta þær að veita áþreifanlega leiðsögn um