Faxi - 01.12.1983, Blaðsíða 70
sem þetta hótel Shemshuzhina
haföi uppá að bjóöa, var aðeins
fyrir hina útvöldu gesti hótelsins,
sem að stórum hluta voru erlendir.
Hótelin voru annars mismun-
andi eins og reyndar annars staðar.
í Rússlandi eru allir gengnir til
náða löngu fyrir miðnætti og var
það engin undantekning þama. -
Urðum við lítið vör við næturlíf í
þeirri mynd sem er í vestrænum
ferðamannastöðum. Frá því um
kl. 7 eftir kvöldmat, fram á hátta-
tíma gekk fólk hönd í hönd um
hina fögru upplýstu almennings-
garða, horfði út á Svartahafið á
upplýst skemmtiferðaskipin sigla
hjá, eða sat á bekkjum og lét
rómantíkina gegntaka sig á nýjan
leik.
A hverju kvöldi voru tónleikar
ýmiss konar í konsertsölum bæjar-
ins, þar sem fólk keypti sig inn, en
þeir sem ekki fengu miða, gátu
auðveldlega fylgst með því sem
fram fór á bekkjum fyrir utan, því
salirnir voru flestir opnir, þaklaus-
ir eða hliðar opnar. Björgvin Hall-
dórsson og hljómsveit hans
skemmti þama hálfum mánuði
eftir að við fórum. - Cirkus er
þarna starfræktur og fleira í þeim
dúr.
En þú labbaðir ekki inná
skemmtistaði, eða snackbari eins
og á vesturlöndum. Þú fórst heim á
hótel ef þig langaði í einhverjar
veitingar eða því um líkt.
Nú, þegar heim er komið og
ferðin komin í safn minninganna
kemur í ljós að þrátt fyrir að við
höfum ferðast mikið um dgana og
nokkuð víða, - þá skilur þessi ferð
lang mest eftir, og það eru margar
ástæður til þess.
Þátttaka okkar var ákveðin með
aðeins fjögurra daga fyrirvara, -
og við bjuggumst satt að segja ekki
við miklu.
Rússland er greinilega að hasla
sér völl sem ferðamannaland, það
sýndi ferðamannafjöldinn alls
staðar þar sem við komum.
Hundruðir langferðabíla merktir
Intourist - ferðaskrifstofa ríkisins,
sneisafullir af farþegum á götum
borganna.
En allt fyrirkomulag ferðamála
kemur okkur samt einkennlega
fyrir sjónir. Samt er skipulagið
snurðulaust.
Erlendar ferðaskrifstofur kaupa
ferðapakka fyrir sína farþega og
ákveða hvað á að vera með í kaup-
unum. 1. flokks hótel, - 2. flokks
hótel eða hvað annað. Við vorum
á 1. flokki, sem er hliðstætt 4-5
stjörnu hótelum í Vestur-Evrópu,
mjög glæsileg og ný, 2ja til 3ja ára
gömul.
En við vissum aldrei fyrr en á
áfangastað, hvaða hóteli innan I.
flokks við fengjum inni á. Eins var
með matinn. Við vorum alls staðar
í fullu fæði, en það voru engir mat-
seðlar. Það var bara borið á borð
fyrir okkur 4ra til 5 réttaður matur,
mjög góður og mikill, en við feng-
um aldrei að velja.
Matsalir voru huggulegir og
þjónustufólkið elskulegt.
í skoðunarferðunum voru alltaf
rússneskir leiðsögumenn ensku-
mælandi, sem Borgþór túlkaði fyr-
ir. Anna - rússneska vinkonan
okkar, sem ég gat um áður, var
leiðsögumaður bara í Moskvu, en
á hinum stöðunum tóku aðrir á
móti okkur hver á sínum heima-
slóðum.
Anna var þá bara eins og ein af
okkur og í Sochi flatmagaði hún á
ströndinni alla daga eins og við.
Þessir leiðsögumenn, allt kon-
ur, voru hámenntaðar í sögu og
listasögu. Sú sem fræddi okkur í
Leningrad var meira að segja próf-
essor. Þær voru afskaplega fróðar
og áttu gott með að miðla öðrum
af þekkingu sinni, þannig að mjög
gaman var að. Þær vissu einnig
mjög mikið um ísland, veðráttu,
listirogmenningu.
Aldrei varð vart neins eftirlits
með okkur og vorum við algjör-
lega frjáls að því hvort við þæðum
allar þessar skoðunarferðir eða
þvældumst um ein, - eins og sumir
úr hópnum gerðu, einkum þeir
sem hreinlega höfðu ekki þrek í
allar ferðirnar.
Passaskoðun við komuna til
landsins er mjög nákvæm, sömu-
leiðs þegar landið er yfirgefið, en
þess á milli sér maður varla lög-
reglumenn, nema við umferðar-
stjórn.
Ovíða erlendis höfum við verið
eins örugg um sjálf okkur og eigur
okkar og þarna.
Það kom oft fyrir að við vorum
spurð hvort við vildum selja eitt-
hvað, t.d. föt, vindlingakveikjara
eða skó, en þegar við kváðum nei
við, var það útrætt mál og bara
brosað og kvatt. Aldrei reynt að
beita fortölum.
Við tókum þátt í messu í grísk-
kaþólskri rétttrúnarðarkirkju,
sem er algengust þama. Kirkju-
byggingin var öll skreytt altaris-
töflum frá gólfi upp í hvelfingar.
Hún var troðfull af fólki, sem allt
stóð upp á endann með kerti í
hendinni í 3 1/2 klst.
Svona gæti ég haldið áfram
lengi. Það er svo margt sem þarna
er öðruvísi, þetta er annar heimur.
En að lokum get ég þó fullvissað
ykkur um að það er vel þess virði
að heimsækja þetta stóra land, það
er fallegt, fólkið gott og það lætur
þig alls staðar finna að þú ert
aufúsugestur.
Óskum starfsfólki okkar
til sjós og lands,
gleöilegra jóla
og farsæls komandi árs.
Þökkum vel unnin störf
á liðnum érum.
Útgerð
Gunnars Hámundarsonar