Faxi - 01.12.1983, Qupperneq 76

\
Valdimar Kristmundsson:
GLÆFRASPIL SEM HEPPNAÐIST
Akranesi, 4. júlí 1958.
Fyrir réttum 38 árum fundum við
hér í Faxaflóa og færðum til lands
tundurdufl. Petta var vorið 1920 á
vélbátnum Gullfossi frá Keflavík.
Skipstjóri á bátnum var Albert
Olafsson, sem nú býr við Hafnar-
götu 22 í Keflavík, alþekktur sjó-
sóknari og aflamaður. Vélstjóri
var Þórarinn Brynjólfsson, Aðal-
götu 4, dáinn. Hásetar voru:
Magnús B. Guðmundsson, Vest-
urgötu 7, dáinn, Vilhelm Ellefsen,
Aðalgötu 10, Bragi Ólafsson,
Edinborg, nú héraðslæknir á
Eyrarbakka og ég undirritaður, þá
allir frá Keflavík.
Við vorum á útilegu á svoköll-
uðum Köntum, en venjulega tók
ferðin 8-10 daga. Alla þessa ferð
var veður gott og öldulaus sjór.
Einn daginn sáum við tundurdufl,
en það var þá alvanalegt, eftir
heimsstyrjöldina 1914- 1918. Við
töluðum rækilega um hvað gera
Valdimar Kristmundsson.
skyldi, því við töldu, að duflið gæti
orðið okkur eða öðrum að tjóni ef
ekkert væri aðhafst. Vildu sumir
að Iagt væri að duflinu og það tekið
inn í bátinn, því að ekki þótti það
vegna stærðar óviðráðanlegt.
Varð það úr að skipstjóri legði að
duflinu, og kom það í minn hlut að
innbyrða duflið, og var það mjög
auðvelt, því að ekki mun það hafa
verið nema svo sem 35 - 40 kg að
þyngd. Fórum við svo varlega með
það sem við gátum og gættum
fyllsta öryggis. Vöfðum það t.d.
með strigapokum og geymdum
það þannig um borð þar til við
höfðum lokið veiðiförinni.
Þegar komið var í land hringdi
Albert til Sigurgeirs Guðmunds-
sonar í Tjarnarkoti í Innri-Njarð-
vík, en hann var þá hreppstjóri.
Hann hafði aftur samband við þá-
verandi sýslumann, Magnús Jóns-
son bæjarfógeta í Hafnarfirði, er
sendi mann af varðskipinu Fylla til
þess að gera duflið óvirkt. Við at-
hugun kom í Ijós að ,,takkarnir“ á
duflinu voru óvirkir, en sprengi-
efnið algerlega óskemmt. Var það
sprengt í svokölluðum Vatnsnes-
klettum með þeim afleiðingum að
margar rúður brotnuðu heima á
Vatnsnesi, en það mun hafa verið í
12 -1500 metra fjarlægð.
Strákunum á Gullfossi var að Á
vonum hálf illa við að hafa duflið
svona lengi um borð, sérstaklega
Magnúsi og vélstjóranum, en
Braga og Vilhelm þótti ekkert að
því að ala á þeirri hættu, sem þessu
var samfara, þótt þeim findist ekk-
ert athugavert við að geyma það
þar til farið væri í land.
Hér er ekki sagt frá þessu sem
neinu afreksverki, heldur af því,
að ég hef hvergi séð þessa getið, né
heldur að vélbátur hafi tekið um
borð tundurdufl og geymt um borð
í viku og flutt það að landi til að
gera það óvirkt, en þetta var gert á
þessum litla báti. Gullfoss var 14
tonn að stærð, með 28 hestafla
Alpha-vél, hin mesta happafleyta,
enda orðlagður dugnaðarmaður,
sem honum stjórnaði. Orðlengi ég
svo ekki meira um þetta.
okkar flytja ykkur
bestu jóla- og nýársóskir
frá okkur
Gleðileg jól!
Gott og farsælt nýtt ár!
Þökkum viðskiptin á liðna árinu.
ÍSSTÖÐIN HF.
GARÐI
i

276-FAXI