Faxi - 01.12.1983, Síða 79

Litla Leikfélagið:
Spánskflugan
Höfundar Spánskflugunnar Am-
old & Bach eru vel þekktir höf-
undar ærslaleikja. Hér áður fyrr,
þegar leikfélög eða leikhópar
börðust í bökkum fjárhagslega og
höfðu lítinn, oftar engan styrk frá
ríki eða sveitarfélagi, var oft leitað
eftir skopleik frá þessum höfund-
um þar eð leikrit þeirra féllu sjald-
an eða aldrei, voru vel sótt og lag-
færðu jafnan sjóðstöðuna. Ástæð-
an er sú að fólk á öllum aldri og við
flestar kringumstæður hefur þörf
fyrir að hlæja - hlæja svo einlæg-
lega að allt í veröldinni gleymist
nokkur augnablik.
Og það er meira en hálfdauður
maður sem ekki veltist um af hlátri
í leikhúsi Litla leikfélagsins við
sviðsetningu Spanskflugunnar
undir leikstjórn Guðrúnar Ás-
mundsdóttur, ágætrar leikkonu úr
Reykjavík. Leikþráðurinn er
spunninn úr mögnuðum misskiln-
ingi og sálrænni uppákomu synd-
ugra manna - flytur vissan lærdóm
en varla boðskap. Það gera ærsla-
leikir víst sjaldan.
Litla leikfélagið á nú stóran hóp
þjálfaðs leikfólks sem gerir betur
en vænta má af áhugaleikfólki sem
að jafnaði hefur meira en venju-
lega vinnuviku við dagleg störf og
heldur síðan til þessa áhugastarfs,
sjálfum sér og öðrum til ánægju og
yndisauka. Olaunað menningar-
starf.
Undirritaður hefur séð flest af
þeim 16 verkefnum félagsins, sem
það hefur verið með á fjölunum
frá því að það var stofnað 1976, og
ef ég man rétt þá er meiri hraði og
lipurð í þessari uppsetningu en í
hinum fyrri - þar kann margt að
koma til en fyrst og fremst er það
verk leikstjórans og svo leikni höf-
unda við skopgerðina. Það var
hvergi veikur hlekkur hvorki í leik-
endahópnum né öðrum er aðstoð-
uðu - en liðskipan var á þessa
lund:
I.EIKSTJÓRI. ............................... Guðrún Ásmundsdóltir
AÐSTOÐARLEIKSTJÓRI,................... .......Muría Guðfinnsdóttir
TEXTAHÖFUNDUR,..............................................Böðvar Guðmundsson
LJÓSAMEISTARI, ..................... ............Svavar Óskarsson
SÝNINGARSTJÓRI, ... ...........María Guðfinnsdóttir
UNDIRLEIKUR OG SÖNGSTJÓRN,.......................Siguróli Geirsson
FÖRÐUN, SAUMAR OG SMÍÐI, ..............................Hópvinna
PERSÓNUR OG LEIKENDUR:
LÚÐVÍK KLINKE, sinnepsverksmiðjueigandi ...........Sigfús Dýrfjörð
EMMA, kona hans ..............................Kolbrún Sigurðardóttir
PAULA, dóttir þeirra ........................Guðríður Guðjónsdóttir
EDWARD BURVIG, þingmaður, bróðir Emmu....................Ólafur Sigurðsson
WALLY, dóttir hans........................................ Guðríður Júlíusdóltir
ALAIS WIMMER, mágur Emmu ......................... Bragi Einarsson
DR. FRITS GERLACH, málaflutingsm.............Unnsteinn E. Kristinss.
ANTON TIDEMEYER....................................Jóhann Jónsson
GOTTLIEB MEISEL ..............................Hólmberg Magnússon
M ATTHILDUR, kona hans...................Ragnheiður Guðmundsdóttir
HINRIK, sonur þeirra......................................Ingimundur Magnússon
MARÍA, bústýra hjá Klinke ..................Sigurbjörg Ragnarsdóttir
Astarjátning Hinriks (Guðmundar) virðist ekki hafa lent á réttum stað. Paula
(Guðríður G.) er a.m.k. afundin en Wallý (GuðríðurJ.) bíður fœris.
Frú Emma, sem er í forystusveit kvenna er berst gegn siðspillingu, telursig hér vera
að hremma sökudólg í 24 ára gömlu barnsburðarmáli. - En það er aðal hrollvekja
leiksins og hefur komið stinnl við taugar þessara heldri manna sem eru með lienni á
sviðinu, en jx'ir eru talið frá vinstrí, Klinke (Sigfús), Wimmer (Bragi), Tidemeyer
(Jóhann) og Burvig (Ólafur).
Þó að allir hafi verið að ,gera
það gott“ tel ég að aðalhlutverkið í
höndum Sigfúsar Dýrfjörð hafi
verið sérlega vel af hendi leyst og
fært Sigfús á bekk með bestu skop-
leikurum sem hér syðra hafa sést á
sviði. „Asseríu" fræðingurinn
Hinrik leikinn af Ingimundi Magn-
ússyni var skemmtileg persónu-
gerð - rólegt tímaskin og fomleg
ástarjátning stakk vel í stúf við
hraða leiksins. Hinn ástargoðinn
var af öðru sauðarhúsi, Dr. Frits,
málaflutningsmann lék Unnsteinn
Kristinsson. Hann hefur um árabil
verið ein af máttarstoðum félags-
ins og kunni vel sitt fag. Þá voru
þessar eftirsóttu heimasætur ekki
af lakari endanum, þær Paula,
leikin af Guðríði Guðjónsdóttur
og Wallý, leikin af Guðríði Júlíus-
dóttur, voru afar geðþekkar ung-
um mönnum. Raunar mætti telja
upp alla leikarana með svipuðum
ummælum. Þetta er sýning sem
þyrfti að sýna víðar til að sýna það
enn einu sinni, að Suðurnesjabúar
hafa gott innlegg í leiklistina í land-
inu.
Frumsýningargestir kunnu vel
að meta kátínuna og fengu leikar-
ar og leikstjóri veglegt þakklæti og
voru marg klappaðir fram og
blómvendir bárust. J.T.
Fjölbrautaskóli Suðurnesja
Keflavík
Pósthólf 100 - Sími 3100
INNRITUN
fyrir vorörm, bæði í dagskóla og öldungadeild,
1984 fer fram á skrifstofu skólans frá kl. 9-12 og
lýkurföstudaginn 15. desember.
Skólagjaldið í öldungadeild er 1.600 kr. fyrirönnina
en 1.800 kr. ef veittur er gjaldfrestur með víxli.
Nauðsynlegt er að skrá sig fyrir þennan tima, þvi
ákvörðun um hvaða áfangar verði kenndir verður
að taka um miðjan desember. Þá ræður mestu hve
stórir hóparnir eru.
Skólameistari.
FAXI-279