Faxi - 01.12.1983, Side 82

Hvað hafa Suðumesjamenn
fengið úr Menningarsjóði?
Af tekjum Félagsheimilasjóðs renna
10% til Menningarsjóðs og skal verja
því fé til að stuðla að menningarstarf-
semi í félagsheimilum og er það vel. Ef
við skoðum greiðslur til flytjenda árið
1980 - en þar ber mest á leikhópum og
kórum - þá kemur í ljós að þar er um
að ræða gamlar kr. 16.817.950.-, sem
skiptist upp milli 43 aðila með all mis-
jöfnum hlutum, - allt frá kr. 100.000,-
til 1.219.850.-.
í hlut Suðurnesjamanna komu þess-
ar upphæðir:
Litla Ieikfélagið í Garði fékk g.kr.
250.000.-, vegna leikferðar til Húsa-
víkur, en þar sýndi það Spegilmanninn
(barnaleikrit). Barnakór Grindavíkur
fékk g.kr. 750.000.-. Hann fékk í
heimsókn barnakór frá Finnlandi.
Leikfélag Keflavíkur fékk g.kr.
240.000.-, vegna leikferðar um Vestur-
land.
Árið 1981 eru nýju krónumar
komnar í gagnið og eru þá kr.
245.640.- til skipta, eða liðlega helm-
ings aukning frá fyrra ári. Pá var hæsti
styrkur kr. 20.000.-, en sá lægsti kr.
1.000.-. Þá fékk Grindavíkurbær kr.
2.500,- fyrir að koma upp Kaldalóns-
tónleikum (afmælistónleikar). Litla
leikfélagið í Garði fékk kr. 1.800.-,
fyrir leiksýningar í Félagsheimilinu í
Grindavík og á Selfossi.
Árið 1982 nær tvöfaldast uphæðin
aftur, er orðin kr. 486.825.- og styrk-
þegar orðnir 60 og fá þeir frá kr. 600,-
til kr. 40.000.- hver. Leikfélag Kefla-
víkur fékk kr. 2.000.- vegna leikferðar
með barnaleikritið Rauðhettu. Karla-
kór Keflavíkur fékk kr. 15.000.- vegna
söngferðar um Austurland.
A þessum þremur árum hefur Suð-
urnesjunum verið úthlutað 4.2% af
þessum sjóði til menningarstarfsemi.
Ekki er þar farið eftir höfðatöluregl-
unni, þar sem að á Reykjanesi búa um
6.8% þjóðarinnar.
í reglugerð um loðnuveiðar á
haustvertíð 1983 og vetrarvertíð
1984, er Suðumesjaskipum
heimilt að veiða eftirgreint
magn af loðnu í íslenskri
fiskveiðilögsögu:
Tonn
Albert GK:31 6.900
Erling KE:45 6.300
Fífill GK:54 7.000
Grindvíkingur GK:606 8.500
Hrafn GK: 12 7.100
Jöfur KE: 17 6.300
Keflvíkingur KE: 100 6.600
VíkurbergGK:l 6.700
Þórshamar GK:75 6.900
Örn KE: 13 6.800
Afli skip meira af loðnu en því er
heimilt samkvæmt þessari grein verður
andvirði þess, sem umfram er leyfilegt
aflamagn, gert upptækt samkvæmt
lögum nr. 32 19. maí 1976, um upptöku
ólöglegs sjávarafla.
Um jól og áramót eru allar loðnu-
veiðar bannaðar með eftirgreindum
hætti: skipum er óheimilt að láta úr
höfn til loðnuveiða eftir 17. desember
1983 og óheimilt er að hefja loðnuveið-
ar eftir áramót fyrr en á hádegi 4. janú-
ar 1984.
Fulltrúafundur Lífeyrissjóðs
verkalýðsfélaga á Suðumesjum
var haldinn 12. nóvember sl. Á fund-
inum var flutt skýrsla stjórnar sjóðsins
og ársreikningar fyrir árið 1982 lagðir
fram.
Á fundinum kom m.a. fram að eign-
ir sjóðsins jukust um 87.4% ásíðast ári
og voru 128.8 m. kr. í árslok. Iðgjalda-
greiðslur til sjóðsins námu 19.1 m. kr.
á síðasta ári en lífeyrisgreiðslur námu
5.5 m.kr. eða 28.7% af iðgjaldagreiðsl-
um. Lífeyris hjá sjóðnum nutu 395
sjóðfélagar á síðasta ári. Á árinu
greiddu um 4000 aðilar iðgjöld til
sjóðsins en frá upphafi hafa um 11500
aðilar greitt iðgjöld.
Á árinu 1982 voru veitt lán til 304
sjóðfélaga samtals að upphæð 14.8 m.
kr. Lánveitingar jukust á árinu um
34% frá árinu áður en heildarlánsupp-
hæðin var um 86% hærri en á árinu
1981.
Á fundinum var Halldór Pálsson frá
Iðnsveinafélagi Suðurnesja kosinn í
stjórn til næstu 4 ára í stað Ólafs Sig-
urðssonar frá Verkalýðs- og sjó-
Halldór Pálsson.
mannafélagi Gerðahrepps sem setið
hefur í stjóm síðast liðin 4 ár. Aðrir í
stjórn sjóðsins eru MaríaG. Jónsdóttir
frá Verkakvennafélagi Keflavíkur og
Njarðvíkur, Jón Ægir Ólafsson og
Margeir Jónsson frá vinnuveitendum,
sem jafnframt er formaður stjórnar
sjóðsins.
Forstöðumaður sjóðsins er Daníel
Arason.
Stórar tölur
Opinberar skýrslur em oft seint á
ferðinni enda mikið verk og oft sein-
legt að ná saman öllum þeim upplýs-
ingum, sem þurfa að vera til staðar og
þá er þess að gæta, að slíkar skýrslur
mega ekki vera neitt fleipur. Þær em
því pottþéttar þegar þær koma og bæði
fróðlegt og forvitnilegt að skoða þær.
Bótaskýrsla
Tryggingastofnunar ríkisins, sem Faxa
barst um miðjan nóvember s.l. með
niðurstöðum fyrir árið 1981, sýnir okk-
ur ýmsar tölur og aðrar fróðlegar upp-
lýsingar. Bótaþættir em margir og
margir sem njóta þeirra.
Almannatryggingaumboðið í Kefla-
vík, sem er undir vemdarvæng bæjar-
fógetaembættisins, spannar allt
Reykjanesið. Umrætt tryggingaár
féllu bætur á eftirfarandi hátt:
1. Ellilífeyrisþegar sem voru 767
fengu greiddar kr. 20.686.214.-
2. Makabætur fengu 3 kr. 14.909,-
3. Örorkubætur fengu 128
kr. 3.826.201,-
4. Örorkustyrk fengu 118
kr. 1.322.986,-
5. Bamalífeyri fengu 142
kr. 1.273.362.-
6. Mæðra-og feðrastyrk fengu 368
kr. 955.272.-
Gleðilegjól!
Farsœlt komandi ár!
Þökkurn vidskiptin á árinu.
Nesbú hf.,
Vatnsleysuströnd.
k_____________________y
KEFLAVIK
AUGLYSING
um tímabundna umferðartakmörkun
í Keflavík
Frá fimmtudeginum 8. desember til laugardagsins 31. desember 1983, aö báðum
dögum meðtöldum, er vöruferming og afferming bönnuð á Hafnargötu á almennum
afgreiðslutíma verslana.
Á framangreindu tímabili verða settar hömlur á umferð um Hafnargötu og nærliggjandi
götur ef þurfa þykir, svo sem tekinn upp einstefnuakstur eða umferð ökutækja bönnuð
með öllu. Verða þá settar upp merkingar, er gefa slíkt til kynna.
Keflavík, 1. desember 1983.
LÖGREGLUSTJÓRINN í KEFLAVÍK.
282-FAXI