Straumar - 01.04.1930, Síða 43

STEAUMAR
37
fyrir skömmu algerlega verið sviftar þeim rétti, að skifta
sér nokkurn hlut af mannfélagsmálum eða líknarstörfum
meðal almennings. Bannað sé að stofna ungmennafélög í
sambandi við kirkjurnar og jafnvel forboðið að uppfræða
þar börnin í trúarefnum. Trúboð alt hafi verið bannað og
útgáfa trúmálarita. A síðasta ári hafi 300 baptista prestar
verið settir í fangelsi og 500 kirkjum lokað. — En þetta
gefur ekki nema litla hugmynd um ástandið, segir hann.
Með aðstoð hinnar illræmdu leynilögreglu (G. P. U.) eru
þúsundir manna teknir fastir fyrir trúmála starfsemi og
dæmdir án vitundar almennings og jafnvel án vitundar
ættingja sinna um það, hvað þeim hefir verið til saka
gefið, til fangelsisvistar eða útlegðar til Síberíu. Ástæður
fyrir þessari ofsókn telur Ilutchinson einkum þær, að
frjálslynd prótestantisk kirkjuhreyfing hafi vaxið hröðum
skrefum á Rússlandi á síðustu árurn, þrátt fyrir mótblást-
ur skólanna gegn allri trú og hafi hinum æstustu stjórn-
arsinnum líkað það stórmiður. Sömuleiðis hafi þeir óttazt
um áhrif þau, er þessi nýja trúarstefna virtist hafa á unga
fólkið, og jafnvel hugsað, að fyrir margvísleg sambönd
við aðrar þjóðir, mundu protestantisku kirkjurnar snúazt
öndverðar gegn sér. En þetta er talið fullkomlega ástæðu-
laust. — Vita menn ekki hvar linna muni ofsóknum þess-
um. Hyggja sumir, að hinir stiltari og gætnari meðal sam-
eignarmenna muni brátt taka í taumana og afstýra frek-
ari ofsóknum, en aðrir spá því, að frekar verði hert á
öllum afarkostum. Virðist Sovjetstjórnin vera að taka
hér samskonar víxlspor í trúmálum og stigið var í stjórn-
arbyltingunni frönsku fyrir hálfri annari öld síðan og
sagan slétti fljótlega yfir með kaldhæðni. Öll ofsókn, hvort
sem hún er gegn „trúu eða „vantrúu, er af sömu haturs-
rót runnin og er jafn fávísleg, því að hún hefir æfinlega
öfug áhrif við það, sem henni er ætlað að hafa. Hugsun
mannsins hlýðir engum ógnunum. Hún brýtur af sér alla
hlekki og vex ásmegin við hverja mótspyrnu og rís hróð-
ug upp af hverju píslarbáli. B. k.