Straumar - 01.04.1930, Side 57

STIiAUM A R
51
Fyrsta Pétursbréf er einn af dýrgripum N. T.,
lítil guðfræði í því, en djúpviturt og fagurt og bjartsýni
mikil, mikið talað um vonina og því hefir Pétur verið
kallaður postuli vonarinnar eins og Páll postuli trúarinn-
ar og Jóhannes postuli kærleikans. Bréfið er skrifað til
safnaða í Litlu-Asíu, sem hafa átt við ofsóknir að búa,
en höf, hvetur þá til staðfestu og undirgefni undir hina
veraldlegu valdhafa. Þetta þykir benda til þess, að brélið
sé ritað nokkuð snemma, því að seinna snerust kristnir
leiðtogar til haturs og fulls fjandskapar gagnvart embætt-
ismönnum. Ofsókn sú, sem hér um ræðir, ætti þvi að vera
sprottin af ofsókn Nerós á hendur kiistnuin mönnum í
Róm, en skattlandsstjórarnir hafa eflaust notað hana sem
tilefni til ofsókna heima fyrir.
Höf. kallar sig fullum stöfum „Pétur postula Jesú
Krists“, en ýmislegt hafa menn við það að athuga, telja
margt mæla á móti því, að hann geti verið höf. bréfsins.
Ur þessu máli verður ekki skorið. Margir hallast að því
að Pétur postuli muni höf. og þá er bréfið ritað í Róm
líkl. árið 65—67 e. Kr. þvi að erfikenningin segir, að
Pétur hafi verið krossfestur í Neró ofsókninni fyrir 68.
A n n a ð P j e t u r s b r é f er skrifað til kristinna manna
almennt, og er höfuðefni þess að vara við villukennend-
um, sem muni læðast inn í söfnuðinn. Bréf þetta stendur
í mjög nánu sambandi við Júdasarbréfið (sjá siðar), og
þvkir auðsýnt, að það sé samið utan um það. 2. kap. í 2.
Pétr. er að mestu samhljóða Júd. Villukennendur þeir, sem
ræðir um í báðum bréfunum er af flokki gnostíka, og
skoðanir þeirra, sem sjást á efninu, benda til þess, að
bréfin séu skrifuð snemma eftir aldamótin 10U. 2. Péturs-
bréf lýsir því yfir, að höfundur þess sé Pétur postuli, en
þar eð það er skrifað snemma á 2. öldinr.i, er auðsætt,
að það getur ekki átt sér stað, því að Pétur er þá löngu
dáinn. Höf. bréfsins hefir umsamið Júdasarbréfið móti and-
stæðingunum og eignað Pétri, til þess að gefa því meiri
kraft. Hver höf. er, er auðvitað ómögulegt að vita. Bréf
þetta er yngsta rit N. T., líklega frá 130—150 e. Kr.
Pyrsta Jóhannesarbréf Þetta bréf er einhver
4