Frjáls verslun - 01.01.2001, Qupperneq 62

MARKAÐSSETNING fl SJÓNVflRPSÞÆTTl
Stöð 2 hefur hafið sýningar á nýjum spurninga-
pætti sem hefur farið sigurfór um heiminn. Þetta
er íslensk útgáfa afhreska spurningapættinum
Viltu vinna milljón? Breska fyrirtækið Celador
hófframleiðslu á þáttunum fýrir rúmum tveimur
árum og eru þeir núna sýndir víða um heim!
Eftir Vigdísi Stefánsdóttur
Markaðssetningin á spurningaþætti Stöðvar 2, Viltu
vinna milljón?, hefur tekist vel. Spyrjandinn, Þorsteinn
J., þykir hafa náð sérlega góðum tökum á því að vekja
spennu hjá áhorfendum með framkomu sinni í stólnum.
Framleiðslustjórn er í höndum Heimis Jónassonar og Þórs
Freyssonar en sá síðarnefndi stjórnar einnig upptöku á þætt-
inum. „Þetta er ekki bara spurningaþáttur, heldur blanda af
spurningaþætti og drama,“ segir Þór. Ætlunin er að fólk finni
til spennu og í þættinum eru mörg atriði sem stuðla að því.
Sviðsmyndin er byggð upp líkt og rómverskt hringleikahús
þar sem áhorfendur sitja í hálfhring. Lýsingin er talsvert
áhrifamikil. I upphafi þáttar er mjög bjart og áhorfendur af-
skaplega sýnilegir en þegar líða tekur á er dregið úr lýsingu
og eftir að keppandi hefur svarað tíundu spurningu hverfa
áhorfendur alveg sjónum og athyglinni er alfarið beint að
keppanda og spyrjanda, sem sitja andspænis hvor öðrum.
Það sama á við um tónlistina. Hún þyngist eftir því sem líða
tekur á þáttinn. Við sjöttu spurningu er spiluð „hjartsláttar-
tónlist“ og við þá tíundu verður hún enn dramatískari og eyk-
ur það enn á spennuna."
Uppbygging og umgjörð þáttanna er mjög vel heppnuð og
það er ekki síst því að þakka að þeir hafa alls staðar slegið í
gegn þar sem þeir hafa verið sýndir. Það var breska fram-
leiðslufýrirtækið Celador sem skapaði þættina og hóf fram-
leiðslu á þeim fýrir rúmum tveimur árum. Celador lagði mik-
ið í hönnunina og hún hefur skilað sér vel, enda víða reynt að
líkja eftir henni, án árangurs.
Fyrst þart að hringja Þættirnir hafa verið seldir til ýmissa
landa, meðal annars til Danmerkur og Bandaríkjanna þar
sem þeir eru sýndir oftar en einu sinni í viku. I Bandaríkjun-
um eru þeir sýndir þrisvar í viku en tvisvar í Danmörku.
Tölva sér um að velja keppendur í þáttinn úr hópi þeirra
sem hringt hafa inn og svarað einni spurningu. Það kostar
199 krónur á mínútu að hlýða á spurninguna og svara. Akveði
þátttakandinn hins vegar að hætta við eftir að hafa hlustað á
kynninguna er símtalið honum að kostnaðarlausu. Þátttak-
andinn er því næst spurður einfaldrar spurningar sem er í
takt við fýrstu spurningarnar í þættinum sjálfum og gefnir
eru fjórir svarmöguleikar. Notaðar eru 10 spurningar hverju
sinni og þeim er svo skipt út á 48 tima fresti. Nöfn þeirra þátt-
takenda sem svara rétt fara í pott og einu sinni í viku velur
tölva 60 manns af handahófi úr pottinum.
„Við hringjum í þessa 60 og spyrjum þá ýmissa spurninga.
Þeir sex, sem annað hvort svara rétt eða komast næst svarinu,
fá boð um að koma í þáttinn en að auki er einn varamaður val-
inn,“ segir Þór. „Þeir sem koma í þáttinn hverju sinni keppa svo
innbyrðis í upphafi hvers þáttar, í sérstökum forleik sem sker
úr um hver þeirra kemst í hásætið. Það er afskaplega skemmti-
legt að iylgjast með því hversu ólíkir þátttakendur eru og hvað
áhugasvið þeirra og vitneskja er mismunandi. Það er engan
veginn hægt að ganga út frá því sem vísu að menntun eða
þekking á ákveðnu sviði gagnist þegar í hásætið er komið.“
Leiksýning í Sjönvarpi Verðlaunaféð er að hluta til fjármagn-
að með þessum hringingum en kemur að stærstum hluta frá
Stöð 2 og styrktaraðilum. Aðalstyrktaraðilar Viltu vinna millj-
ón eru Síminn og Mjólkursamsalan. Fleiri styrktaraðilar
koma við sögu og má þar á meðal nefna Spron. Þór segir að
víðast hvar sé farin sú leið að fá fyrirtæki til að kosta þættina
því þeir séu dýrir í framleiðslu. „A Islandi, sem annars staðar,
er áhersla lögð á að gera þá eins vandaða og hægt er. Til þess
að halda kostnaði niðri eru tveir þættir teknir upp í einu og er
fjölmennt tökulið á svæðinu, eða um 20 manns. Ahorfendur
eru rúmlega 80 talsins og upptakan er ekki ósvipuð leiksýn-
ingu í leikhúsi þar sem hlé er gert milli þátta."
62