Morgunblaðið - 22.02.2009, Síða 8

8 FréttirVIKUSPEGILL
MORGUNBLAÐIÐ SUNNUDAGUR 22. FEBRÚAR 2009
FRÉTTASKÝRING
Eftir Svein Sigurðsson
svs@mbl.is
M
IKILL gáfumaður og
hrókur alls fagnaðar
á mannfundum,
mæltur á fjögur
tungumál, frábær
kokkur, vel að sér í listasögu og
ágætis klarinettuleikari. Þannig
hljóðar lýsingin á David Mills, fyrr-
verandi skattalög-
fræðingi Silvios
Berlusconis, for-
sætisráðherra Ítal-
íu. Dómstóll þar í
landi hefur nú
dæmt hann í fjög-
urra og hálfs árs
fangelsi fyrir að
hafa þegið mútur,
um 65 millj. ísl. kr.,
en að auki var hann sakaður um að
hafa borið ljúgvitni í tvennum mála-
ferlum gegn Berlusconi á síðasta ára-
tug.
Málið gegn Mills vakti mikla at-
hygli í Bretlandi fyrir nokkrum árum
og þá ekki síst fyrir það, að hann var
kvæntur Tessu Jowell, þáverandi
menningarráðherra í ríkisstjórn
Tony Blairs. Skildu þau fljótlega eft-
ir að málið komst í hámæli og töldu
margir víst, að hún hefði ákveðið að
fórna eiginmanninum á altari síns
pólitíska frama.
Mills hafði unnið að lögfræðistörf-
um í áratug þegar hann áttaði sig á
því, að það væri miklu arðbærara
fyrir hann að annast hagsmuni stór-
fyrirtækja. Líklega átti ítölskukunn-
átta hans mikinn þátt í því, að lög-
fræðingastofan Carnelutti í Mílanó
bað hann að fara fyrir útibúi hennar í
London og umsvifin urðu strax mjög
mikil. Sum erlendu fyrirtækjanna,
sem til hans leituðu, þurftu aðeins á
að halda leiðsögn í hinu breska laga-
umhverfi en önnur voru að leita að
dálítið „frjórri“ ráðleggingum. Meðal
þeirra var Fininvest, fjármálafyr-
irtækið að baki fjölmiðlasamsteypu
Berlusconis. Varð Mills einn af höf-
uðsmiðum hins leyndardómsfulla og
flókna kerfis aflandsfélaga í eigu
Berlusconis. Telja ítalskir saksókn-
arar, að í gegnum þau hafi Berlus-
coni ekki aðeins stundað stórkostleg
skattsvik og peningaþvætti, heldur
einnig mútað ítölskum stjórn-
málamönnum.
Fjöldi mála hefur verið höfðaður
gegn Berlusconi án þess að saksókn-
arar hafi haft erindi sem erfiði, ýmist
vegna tæknilegra atriða eða, sem
marga grunar, að dómurum hafi ver-
ið mútað. Mills var í fyrstu aðeins
vitni í sumum þessara mála en sak-
sóknararnir sáu fljótt, að aðkoma
hans hafði verið miklu meiri en bara
sem ráðgjafa.
Margir hafa furðað sig á, að David
Mills skuli hafa hætt ærunni með því
að ganga erinda Berlusconis, núver-
andi forsætisráðherra á Ítalíu. Mills
var á sínum tíma mjög virkur í
Verkamannaflokknum og hann
kynntist konunni sinni fyrrverandi,
Tessu Jowell, er þau voru bæði bæj-
arfulltrúar í Camden í London. Mikl-
ir peningar eru að sjálfsögðu mikil
freisting en skapgerðin skiptir líka
máli. Mills þykir dálítið hvatvís og
gefinn fyrir að tefla á tvær hættur. Á
honum hefur helst verið að skilja, að
hann hafi upplifað málið allt eins og
mikið ævintýri. Þegar málarekst-
urinn gegn honum var hvað mestur
og hjónabandið fokið út um gluggann
sagði hann í viðtali við tímaritið Leg-
al Business: „Þetta er eins og reyfari,
allt ákaflega spennandi.“
Þrátt fyrir ótvíræða hæfileika hef-
ur Mills stundum gerst sekur um
dómgreindarleysi. Fyrir þremur ár-
um neituðu yfirvöld í Dubai honum
um leyfi til að stunda lögfræðistörf
þar vegna þess, að hann hafði látið
hjá líða að geta þess, að hann hefði
sætt opinberri rannsókn. Verra var
er hann blandaðist inn í tilraunir til
að selja þotur til Írans en mestu mis-
tökin voru þó bréf, sem hann afhenti
endurskoðanda sínum, Bob Drenn-
an.
Örlagaríkt bréf
Að kvöldi dags 2. febrúar 2004
hringdi Mills í Drennan og sagðist
þurfa að hitta hann strax. Þegar þeir
fundust var Mills með bréf, sem hann
lét Drennan fá. Í því segist hann hafa
áhyggjur af því, að ítalskir saksókn-
arar muni höfða mál á hendur honum
og auk þess óttaðist hann, að bresk
skattayfirvöld væru farin að forvitn-
ast um 400.000 pund, um 65 millj. ísl.
kr., sem hann hafði fengið fjórum ár-
um fyrr. Til að skýra út hvers vegna
hann hefði ekki gefið peningana upp
sagði hann, að þeir hefðu verið „lang-
tímalán eða gjöf“ frá „B-liðinu“, sem
vissi, „að framburður minn (ég laug
engu en fór dálítið frjálslega með, svo
vægt sé til orða tekið) hefði hlíft hon-
um við þeim miklu vandræðum, sem
hann hefði lent í, hefði ég sagt allt,
sem ég vissi.“
Mills virðist ekki hafa áttað sig á
því, að Drennan bar skylda til að láta
bresk yfirvöld fá bréfið og hann
komst ekki að því fyrr en fjórum
mánuðum síðar, að ítölsku saksókn-
ararnir höfðu það líka undir höndum.
Mills staðfesti í fyrstu bréfið og
þann skilning, sem í það var lagður,
en sneri síðan við blaðinu og sagði, að
féð hefði komið frá skipakóngi í Na-
pólí, Diego Attanasio í gegnum sjóð á
Bahamaeyjum. Hefur sá staðfest
það, að vísu með dálítið óljósum
hætti, en marga grunar, að hann sé
bara enn eitt peðið á taflborði Ber-
lusconis.
Mills var dæmdur fyrir að þiggja
mútur en hvað um Berlusconi? Jú,
það var eitt af fyrstu verkum hans
sem forsætisráðherra á síðasta ári að
fá ítalska þingið til að samþykkja lög,
sem undanþiggja hann allri saksókn.
Mútuþegi Berlusconis?
David Mills var hampað sem snjöllum lögfræðingi og fáir stóðu honum á sporði í þekkingu
á vafasamri starfsemi aflandsfélaga. Nú bíður hans rúmlega fjögurra ára fangelsi á Ítalíu
Silvio Berlusconi
Spennufall Skattalögfræðingurinn
David Mills í London í mars 2006.
Hann lýsti einu sinni málinu og rétt-
arhöldunum gegn sér sem spenn-
andi reyfara en nú bíður hans rúm-
lega fjögurra ára fangelsi verði
hann framseldur til Ítalíu.
Reuters
Er Silvio Berlusconi tók aftur við
sem forsætisráðherra Ítalíu á síð-
asta ári var það fyrsta og brýnasta
verkefni stjórnar hans að koma í
gegnum þingið lögum, sem und-
anskildu hann lögsókn.
Réttarhöldin og dómurinn yfir
David Mills sýna vel mikilvægi lag-
anna fyrir Berlusconi. Samt er ekki
alveg víst, að hann sé sloppinn fyrir
horn. Lögin eru nú til umfjöllunar
hjá ítalska stjórnarskrárréttinum og
komist hann að þeirri niðurstöðu, að
þau brjóti í bága við stjórnarskrána,
ætti að vera unnt enn einu sinni að
ákæra Berlusconi.
Pólitísk spilling hefur verið samgró-
in ítölsku þjóðlífi um aldir. Fyrir 500
árum skrifaði Niccolo Machiavelli,
að spilltir leiðtogar væru til skamm-
ar fyrir hverja þjóð en það breytti
engu um, að spillingin lifði áfram
góðu lífi. Fyrir áratug hrundi allt
ítalska flokkakerfið vegna víðtækrar
spillingar og þá vonuðu margir, að
ný Ítalía myndi rísa úr rústunum. Á
því virðist ætla að verða einhver bið.
Berlusconi forsætisráðherra hefur
átt í stanslausum málaferlum vegna
ásakana um margvíslega fjár-
málaspillingu en samt nýtur hann
hylli ítalskra kjósenda.
Atburðarásin
Þau David Mills og Tessa Jowell kynntust er þau voru bæj-
arfulltrúar í Camden í London á áttunda áratug síðustu aldar.
Þau voru þá bæði gift en fóru að draga sig saman, skildu síð-
an við maka sína og gengu í hjónaband 1979. Áttu þau sam-
an son og dóttur.
Bæði tóku þau mikinn þátt í starfi Verkamannaflokks-
ins og voru síðar kölluð „heitasta parið“ þar á bæ, hún þá
orðin ráðherra og á uppleið í pólitíkinni og hann frægur og
auðugur lögfræðingur á alþjóðavísu. Á því varð bráður end-
ir er málið gegn Mills hófst og tengsl hans við Berlusconi
urðu mikið fréttaefni í breskum fjölmiðlum árið 2006.
Jowell beið ekki boðanna með að skilja við mann sinn og sá
kvittur komst á kreik, að Alistair Campbell, ráðgjafi Tonys Blairs,
hefði lagt að henni að fórna eiginmanninum fyrir flokkinn og póli-
tískan frama sinn. Því neitaði hún og sagði, að óánægja hennar með
ítölsku peningana hefði ráðið úrslitum. Um þá hefði hún ekkert vit-
að.
Nokkru áður hafði raunar verið upplýst, að Mills hefði tekið nýtt
veðlán út á eitt af húsum þeirra hjóna árið 2000 og síðan end-
urgreitt það að langmestu leyti skömmu síðar. Svaraði upphæðin
nokkurn veginn til mútugreiðslunnar, sem hann var síðar dæmdur
fyrir.
Jowell hafði skrifað undir lánsskjölin en sagði, að sig hefði ekki
grunað að nokkur maðkur gæti verið í mysunni.
Með þetta slapp Jowell en vegur hennar í pólitíkinni
lá nú bara niður á við. Var henni skipt út strax í fyrstu
uppstokkun Gordons Browns á ríkisstjórninni en hún
fer þó enn með málefni Ólympíuleikanna.
Bráður endir hjá „heita parinu“
Tessa Jo-
well
Reuters
Tírol og Alparnir í allri sinni dýrð. Gist verður 5 nætur í Seefeld í Tírol á
glæsilegu hóteli. Ferðin hefst á flugi til Frankfurt, þaðan verður ekið til
Ulm og gist fyrstu nóttina. Á leið okkar til Seefeld skoðum við
ævintýrahöllina, Neuschwanstein í Füssen. Frá Seefeld verður farið í
skemmtilegar skoðunarferðir, t.d. að Achenseee sem er með fallegustu
vötnum Tíróls og að Gramai-Alm, en þar er upplagt að fá sér léttan
hádegisverð í osta- og pylsuseli frá 16. Öld. Ekin falleg leið yfir
Brennerskarðið til Brixen í Suður-Tíról á Ítalíu. Ferðinni lýkur í
Würzburg þar sem gist er eina nótt áður en flogið er heim.
Fararstjóri: Hólmfríður Bjarnadóttir
Verð: 152.500 kr. á mann í tvíbýli
Innifalið: Flug, skattar, hótelgisting, allar skoðunarferðir með rútu,
hálft fæði og íslensk fararstjórn.
VOR 1
5. - 12. apríl
Sp
ör
-
Ra
gn
he
ið
ur
In
gu
nn
Ág
ús
ts
dó
tt
ir
Seefeld í Tíról
s: 570 2790www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
Meðhálfufæðiogöllumskoðunarferðum!