Morgunblaðið - 22.02.2009, Qupperneq 39

Menntun 39
MORGUNBLAÐIÐ SUNNUDAGUR 22. FEBRÚAR 2009
M
eð meistaranámi í
Evrópufræðum er-
um við að bregðast
við mikilli þörf hjá
atvinnulífinu og í
stjórnkerfinu fyrir fólk með þverfag-
lega sérþekkingu á málefnum sem
snerta Evrópusambandið og innri
markað þess,“ segir Kristján Vigfús-
son, forstöðumaður nýs meist-
aranáms í Evrópufræðum sem hefst
í Háskólanum í Reykjavík næsta
haust.
Kristján bendir á að samning-
urinn um Evrópska efnahagssvæðið
sé stærsti og umfangsmesti við-
skiptasamningur sem Ísland hafi
gert. „Með honum erum við aðilar að
markaði 27 ríkja með um 500 millj-
ónir manna. Hvort sem Ísland gerist
aðili að ESB eða ekki þá eru um 70%
viðskipta okkar á innri markaðinum
og viðskiptaumhverfi íslenskra fyr-
irtækja markast af þeim reglum sem
eru settar á innri markaðinum og því
samkeppnisumhverfi sem þar ríkir.
Auk þess á Ísland í nánu samstarfi
og samskiptum við Evrópusam-
bandið á öðrum sviðum sem samn-
ingurinn nær ekki til, eins og Schen-
gen-landamærasamstarfinu.“
Kristján segir að Háskólinn í
Reykjavík hafi sterkan grunn til að
bjóða meistaranám í Evrópufræð-
um. „Við erum svo lánsöm að hafa
byggt upp mjög öfluga lagadeild og
viðskiptadeild, en þessar deildir
standa sameinaðar að baki náminu.
Ennfremur hefur hér verið starf-
rækt rannsóknastofnun í Evr-
ópufræðum, Evrópuréttarstofnun
sem og upplýsingaþjónusta í Evr-
ópumálum innan bókasafns skólans.
Að byggja upp svona nám á þessum
tímamótum í íslensku efnahagslífi er
einnig hluti af nýsköpunarstefnu
skólans og tengingu við hið al-
þjóðlega samfélag.“
Þverfagleg nálgun
Í meistaranáminu nálgast nem-
endur viðfangsefnið út frá lögfræði,
hagfræði, viðskiptafræði, sagnfræði
og stjórnmálafræði. Kristján segir
það ekki hafa verið gert hér á landi
með svo þverfaglegum hætti áður.
„Hjá Háskólanum starfar fjöldi
fólks, sem hefur ekki eingöngu aka-
demíska þekkingu á Evrópufræðum,
heldur hefur starfað í tengslum við
samninginn um Evrópska efnahags-
svæðið, hjá framkvæmdastjórn
ESB, EFTA, Eftirlitsstofnun EFTA
og hjá sendiráði Íslands í Brussel.
Þessi hópur þekkir kerfið innan frá
og veit hvernig það virkar.“
Um er að ræða tveggja ára mast-
ersnám, samtals 120 einingar. Gert
er ráð fyrir að nemendur séu í fullu
námi. Að öllu jöfnu eru nemendur í
fjórum til fimm kúrsum á hverri önn
en aðeins í tveimur kúrsum á síðustu
önninni eða á sama tíma og 15 ein-
inga mastersritgerð er skrifuð.
Auk kjarnakúrsa sem allir þurfa
að taka er boðið upp á valkúrsa úr
laga- og viðskiptadeild sem eru sér-
hæfðir í Evrópumálefnum eða
tengdir viðskiptum á evrópskum
mörkuðum.
Kristján segist ekki efast um að
mikil þörf sé fyrir nám af þessu tagi
hér á landi. „Við sjáum vandræði ís-
lenskra útrásarfyrirtækja á mörk-
uðum sem þau hafa ekki kynnt sér
nægilega vel og þau vandamál og
álitamál sem upp hafa komið varð-
andi lög og reglur Evrópusamband-
ins sem gilda hér og nægir í því sam-
bandi að nefna Icesave-deiluna. Ef
af inngöngu í ESB verður á næstu
misserum þá verður enn frekari þörf
fyrir fólk með þessa menntun hjá
einkaaðilum og opinberum hér
heima, auk þess sem fjöldi starfa
skapast í Brussel fyrir Íslendinga
sem hafa sérhæft sig í Evr-
ópufræðum.“
Fyrra nám og reynsla
Allir sem hafa að minnsta kosti
BS- eða BA-gráðu í lögum, hag-
fræði, viðskiptafræði, sagnfræði,
stjórnmálafræði eða öðrum fé-
lagsvísindum geta sótt um námið.
Fólk með aðra grunnmenntun verð-
ur metið sérstaklega, en Kristján
hvetur alla áhugasama til að sækja
um. „Að sjálfsögðu er síðan litið til
reynslu úr atvinnulífinu, af fé-
lagsstörfum, annarrar hæfni og for-
ystuhæfileika við mat á umsóknum.
Námið er sem sagt ætlað hvort-
tveggja fyrir nýútskrifaða nem-
endur sem og fólk sem hefur verið í
atvinnulífinu um lengri eða skemmri
tíma.“
Kristján segir Háskólann í
Reykjavík einnig líta til þess að um
leið og nýtt, þverfagleg nám í Evr-
ópufræðum byggist upp verði hægt
að stórefla rannsóknir og nýsköpun í
tengslum við Evrópufræðin í skól-
anum. rsv@mbl.is
Mikil þörf fyrir Evrópufræðinga
Morgunblaðið/Ómar
Evrópa Atvinnulífið og stjórnkerfið hefur þörf fyrir fólk með þverfaglega þekkingu á málefnum sem snerta Evrópu-
sambandið, segir Kristján Vigfússon, forstöðumaður meistaranáms Háskólans í Reykjavík í Evrópufræðum.