Morgunblaðið - 22.02.2009, Qupperneq 41

41
MORGUNBLAÐIÐ SUNNUDAGUR 22. FEBRÚAR 2009
Ummæli Jóns gerðu mig
dapran.
Össur Skarphéðinsson ut-
anríkisráðherra um þau um-
mæli Jóns Baldvins Hanni-
balssonar að Ingibjörg
Sólrún Gísladóttir víki úr
stól formanns Samfylking-
arinnar.
Með því [yfirvinnubanni hjá Reykjavík-
urborg] á að spara um milljarð. 100 ára
yfirvinnubann þarf því til að spara fyrir
skuld Tchenguiz.
Andrés Magnússon geðlæknir á opnum
borgarafundi í Háskólabíói og vísaði til yf-
irdráttar bresk-íransks viðskiptajöfurs hjá
Kaupþingi.
Okkar orðspor í útlöndum er horfið.
Það lánar okkur enginn eitt eða neitt.
Knútur Signarsson, framkvæmdastjóri Fé-
lags íslenskra stórkaupmanna.
Þetta er algerlega samkvæmt þeim
reglum sem gilda í borginni.
Óska Bergsson, borgarfulltrúi Framsókn-
arflokksins, þegar hann var spurður í Kast-
ljósi um 25 manna móttöku fyrir sveit-
arstjórnarmenn Framsóknarflokksins á
kostnað borgarinnar.
Við kunnum alveg að tala en það er
bara svolítið erfitt fyrir framan svona
marga svo við segjum bara takk.
Sigur Rósarmenn þegar þeir tóku við Ís-
lensku tónlistarverðlaununum.
Það er auðvitað hætta á því að menn
geri mistök en það ber að hafa í huga
að menn hafa líka gert mistök þótt þeir
hafi haft nægan tíma.
Ólafur Þ. Harðarson, prófessor í stjórn-
málafræði við HÍ, um fyrirhugaðar breyt-
ingar á kosningalöggjöfinni.
Það er annað hvort núna eða strax, eins
og sagt er, annars missum við af þessu.
Sigurður Ægir Birgisson skipstjóri sagði
að enn sæist ekkert til loðnunnar, en menn
vonuðu hið besta.
Þetta eru bara nokkur stef
Kjartan Sveinsson úr Sigur Rós semur tón-
list við kvikmynd Óskarsverðlaunahafans
Neils Jordans.
Ummæli
’
Ég reyndi að halda mér á jörðinni.
Ég er mikil keppnismanneskja og ef
ég tapa þegar ég er búin að ákveða
að vinna verð ég rosalega fúl.
Jóhanna Guðrún Jónsdóttir söngkona
eftir að hún sigraði í Söngvakeppni
Sjónvarpsins 2009, með laginu „Is it
true“ eftir Óskar Pál Sveinsson.
Fjölmiðlar í Bandaríkjunum fara nú á kostum í
vangaveltum sínum um hugsanlega þungun for-
setafrúarinnar, Michelle Obama.
Satt best að segja virðist fátt styðja sögu-
sagnir um óléttuna. En það kemur ekki í veg fyr-
ir skrif og upphrópanir.
Vefsíðan babble.com, eins konar Barnaland
þeirra Ameríkubúa, hefur tekið saman lista yfir
þær frábæru afleiðingar, sem ólétta frúarinnar
myndi hafa í för með sér. Þar myndu sumir
halda að fæðing barns væri í fyrsta sæti, en því
er ekki að heilsa. Fæðing barns í Hvíta húsinu
myndi nefnilega skapa fleiri störf, að mati síð-
unnar. Það er rökstutt þannig, að fjölmiðlar
myndu ganga af göflunum, kaupa allar myndir
sem þeir kæmust yfir af óléttri konunni og
vakta hverja hreyfingu hennar. Það myndi án
efa kalla á aukinn starfsmannafjölda.
Í öðru sæti yfir frábærar afleiðingar er rakið,
að framleiðendur alls konar barnabúnaðar
myndu fara gjörsamlega á hvolf. Allar mömmur
myndu vilja „Hvíta húss“-barnavagn, kerru,
snuð, pela, smábarnasamfellur og annað sem
tilheyrir litlum krílum.
Þar við bætist, að lítið barn í Hvíta húsinu
gæti virkað hvetjandi á aðra foreldra. Fyrst ÞAU
geta þetta, sem bæði hafa nóg að gera, af
hverju ættum VIÐ þá ekki að fyllast bjartsýni og
krafti?
Barnsfæðing í Hvíta húsinu myndi hugs-
anlega hvetja foreldra til að eignast eitt lítið í
viðbót. Á krepputímum dregur yfirleitt úr
barnsfæðingum, til dæmis hrundi fæðing-
artíðnin í Bandaríkjunum um 15% í kreppunni
miklu. Bandaríkjamenn eru búnir að finna út, að
þeim veitir ekki af fleiri landsmönnum til að að-
stoða við að greiða niður gríðarlegar skuldir.
Slíkar fæðingar myndu því væntanlega falla
undir „greiðsludreifingu.“
Enn ein góð afleiðing væri, að fréttaflutn-
ingur af óléttunni, fæðingunni og fyrstu árum
barnsins yrði kærkomin tilbreyting frá kreppu-
fréttunum, sem þreyta Bandaríkjamenn jafn
mikið og aðra.
Í öllum þessum vangaveltum virðast banda-
rískir fjölmiðlar láta liggja milli hluta að Mic-
helle Obama lýsti því sjálf yfir á síðasta ári að
þau hjón ætluðu sér ekki að eignast fleiri börn.
Sumir hlutir gerast nefnilega þótt fólk ætli sér
það ekki, svo fyrri yfirlýsingar hjónanna teljast
ekki að fullu marktækar.
Greiðsludreifing á döfinni?
Reuters
Ólétt? Augu slúðrara í Bandaríkjunum bein-
ast nú að kviði nýju forsetafrúarinnar.
Það hefði
getað farið verr...
570 2400
www.oryggi.is
og fáðu öruggari öryggishnapp!Hringdu í
Endurnýjaðu öryggishnappinn án endurgjalds
í febrúar og fáðu reykskynjara í kaupbæti.
Karl Kristinsson? Sæll, þetta er hjá
Öryggismiðstöðinni. Við erum heima hjá
pabba þínum. Hann var að sjóða egg og
gleymdi sér aðeins yfir fréttunum.
Jú jú, það er allt í lagi með hann.
Reykskynjarinn sem fylgdi öryggis-
hnappnum gerði okkur viðvart. Það væri
fínt ef þú gætir komið, honum er svolítið
brugðið. Já, þetta hefði getað farið verr.
Öryggishnappur eldri borgara
Öryggishnappur –
armband eða hálsmen
Þegar þrýst er á öryggishnappinn
berast boð strax til vaktmiðstöðvar
Öryggismiðstöðvarinnar.
Beintengdur
reykskynjari
Öryggishnappnum fylgir reykskynjari
sem er beintengdur vaktmiðstöð
Öryggismiðstöðvarinnar.
P
IP
A
R
•
S
ÍA
•
9
0
1
0
2