Birtingur - 01.01.1966, Blaðsíða 102
THOR VILHJÁLMSSON: SYRPA
Kanaklak á íslenzkum heimilum
... Agalegt er nú að láta svona einsog þeir
láta þessir helvítis kommúnistar, og ætli hinir
séu ekki bara verri en kommúnistarnir þessir
menn sem eru að koma yfir okkur austrænni
kúgun án þess að vera þó kommúnistar; sem
væri þá afsökun fyrir þá, eða miklu frekar
heldur en fyrir hina sem hafa bara alls enga
afsökun að vera að innleiða þetta rússneska
ófrelsi hérna, einsog þessir sextíumenningar
eða hvað þeir nú eru margir; og af hverju
mega menn ekki vera frjálsir að hafa það sem
þeir vilja; og ég segi nú bara fyrir mig að ég
vil ekki láta neinn segja mér fyrir um það
hvað ég megi horfa á, — þetta er nú bara kúg-
un; og svo er þetta sjónvarp engin ómenning,
heldur eru bara alveg ágætir þættir í því, eins-
og tii dæmis hefurðu nokkurntíma séð þáttinn
Iloly Smoke, eða Gunsmoke, þar sem það er
nú bara svoleiðis að það góða sigrar alltaf,
og er meira að segja ofan á þegar hver þáttur
endar útaffyrirsig, þó það sé stundum dálítið
tvísýnt, og er það kannski ekki líka svona í
lífinu sjálfu? og það gengur nú allavega, og
það er ekki allt eintómt sólskin; og ég held
Ijörnin hafi ekkert vont af því að kynnast því
strax; því að ég segi nú fyrir mig að ég held
að ef maður er morðingi þá er hann fæddur
morðingi; hvaðsegir þú til dæmis um stjörnu-
spána sem er alltaf að koma fram einhvers-
staðar á hncttinum? og ætli sjónvarpið breyti
nú nokkru? og svo get ég líka sagt þér það
sem þú kannski ekki veizt að þessir þættir í
ameríska sjónvarpinu: það er það bezta úr
allri Ameríku, og er alveg toppurinn; cream
of the crop honey; og þið viljið kannski líka
láta banna bió, nema það sé talað á íslenzku
og hafa þá bara gamli bærinn í dalnum, og
svo getur nú líka vel verið að þeir fáist í Kefla-
vík til að sýna einhverja íslenzka mynd, —
cinsog til dæmis ef Njála verður kvikmynduð,
en þá þýðir náttúrlega ekkert að vera með
neinn íslenzkan púkaskap í því, og gera þetta
alltof fornfálegt, heldur verða hetjurnar að
vera dáldið smart, og það þýðir ekkert að vera
að sýna tuttugu menn að berjast heldur verða
þeir að hafa það dáldið marga, einsog þegar
Gyðingarnir gengu yfir Rauðahafið hjá Sí-
sill-bíddu-mill og þá þyrftum við auðvitað að
eignast okkar Sí-sill-bíddu-mill sem skilur
þetta, og hver veit líka nema við eigum hann;
en þá þyrfti náttúrlega að fá Hollywood til að
kvikmynda dáldið stórar sjóorustur; og sjálf-
sagt þyrfti galeiður; og hvað er á móti því að
láta Gunnar berjast við blámenn? einsog þessa
sem eru að gera byltingarnar alltaf núna í Af-
ríku, þar sem allt var áður í friði og spekt; og
jrá kemur sér sjálfsagt vel að Gunnar Eyjólfs-
son hefur reynslu af þeim af því að var hann
ekki einu sinni í Ghana og fékk gulu; kannski
100
BIRTINGUR